Éyong mina wokh naa beterroristas (beterrorist) be va bo ébiran vôm ézing, mi ne sili mina bebiéñ naa : ‘Ye Nzame a taa ? Amu dzé mam meté ma boban ? Ye terrorismo a a ye mane môs ézing ? Ye me ne ning méé ko wong aval té ? Biblia a yem yalane minsili mité .

 Nzame a vini meyiran ya terrorismo. (Bya 11:5; Minkana 6:16, 17) Ya fe naa Yésu, é môr a nga zu a si éyiène Nzame, a nga bame beyeghe béñ éyong be nga kômô yiran. (Matthieu 26:50-52) Bôr b’ézing be fiang dzô naa ba bo abé té ya éyôla Nzame, ve se ki éñe a va lôm be naa be ke de bo. A ne ne naa, aa bèè ki meyaghlan bôr beté ba bo.—Esaïe 1:15.

 Nzame a yen é môr ase a bele minzukh, mben é môr a zukh étom terrorismo. (Bya 31:7; 1 Pierre 5:7) Biblia a lere fe naa Nzame a ye ve naa melumane meté me man.—Esaïe 60:18.

 Biblia a kobe é ña adzô da soo terrorismo : « Moan môt a djiè éñi mboo é lere ñe bidzim. » (Ecclesiaste 8:9) Nlang y’éning boan bebôt été, é bôr be bele édjiè be nga ke ba bo ébiran naa be tsible é bôr bevoo. Éde fe, amu ba kômô man ya bitsible bité, é bôr bevoo baa ba belane terrorismo naa be luman ya é bôr be bele édjiè.—Ecclesiaste 7:7.

 Nzame a kia naa a ye mane vèè wong ya meyiran a si, ya ve naa mvoa é tobe (Esaïe 32:18; Michée 4:3, 4) :

•   A ye kôm é ña adzô da soo terrorismo. Nzame a ye tsen bengovina be n’a si ya é ngovina mboo mboo wéñ, naa é djiè si ése ngura. Ndjiè ye ngovina té, Yésu Christ, a ye yem ñong môr asese, a ye fe ve naa bitsible ya meyiran me man. (Bya 72:2, 14) Tam té, môr aa môr a ye bera belane terrorismo. Bôr ‘ba ye buane ña mvoa ayap.’—Bya 37:10, 11.

•   A ye tsam abé ésese terrorismo a va bo. Nzame a ye sèñ é bôr be va zukh étom terrorismo, a bo naa be va zukh a nsôn nge ki ôtemgha. (Esaïe 65:17; Melere 21:3, 4) A kia fe naa a ye wômô é bôr be va wu, naa be bera ning é si é ne a mvoa été.—Jean 5:28, 29.

 Biblia a ve bia mekalgha ma ve mebun naa Nzame a nkune bo dzam. Ve daa mi ne sili naa, ‘Amu dzé Nzame aa be ki bo dzam ?’ Naa mi bele éyalan, mi ne deghe éngengeng Amu dzé Nzame aa likh naa minzukh mi boban ?