David a nga wiñ Goliat amu a nga daghe ébe Jehôva. (1 Sam. 17:45) Jehôva a kômô lere é ngu’u dèñ akal be-bo bisèñ bèñ besese. (2 Mila. 16:9) Aval avé ô ne dzeng avol Jehôva ndaane naa wa bune akeng ya n’yemane wiè ? Ô ne bo é mam melal ma :

• A bo meyaghlan éyong ése. Yaghlan se ki fave akal a dzaa naa Nzame a dzame wa, ve dzaghe fe ngu’u naa ô taa bo nsem éyong wa tubane mebobelan. (Mat. 6:12, 13) Yaghlan se ki fave akal a dzaa Jehôva naa a borane minkighan ô va ñong, yaghlane Jehôva naa a lere wa zen ya ve wa n’yemane wèñ kaa naa ô ñong minkighan.—Jacques 1:5

• A bele nkôman akal nlanghan ya ayeghe Bible. A lang Bible môs mese. (Bya 1:2) Ñong tam naa wa fas bifônane bi ya Bible ya dzale é mam ô va yeghe. (Jacq. 1:23-25) Kômane akal minkanghle ndaane naa wa bunu n’yemane wiè. Wa ye tugha buane bisulan bi y’ékôan éyong wa tare kôman é mam ba ye tiè

• A sèñ nsama ya Ékôan Jehôva. Dzenghe naa wa yem minféféñ mi-mam mi y’ékôan ya dzigha mi béé. (Nla. 9:17) Bèèghe melepgha ya metsing bemvene ba ve.—Behéb. 13:17

DAGHANE ÉNGENGENG BIAA YIÈNE KI KO BITSIBLÉ WONG, ÉYONG TÉ MIA YALANE MINSILI MIA ZU MI :

• Za mam bobedzang ya bekal bèè be nga ko-wong ?

• Za dzam é nga vole be a dang é mam be nga ko-wong ?