Melukh bekristen ba kang Jehôva, ma so mevakh ébe n’nôm ya fe ébe ngal. (Marc 10:9) Naa bekristen be bele alukh da ye tobe nté éning ya mevakh, ba yiène tông metsin metsing me ya Bible éyong ba top é môt ba ye lukh.

Ô ne sum naa wa tiè dzam alukh « éyong ô lôrang éto évôm nge ki nkuéñ, » é tam é ne wô bo nzukh naa ô ñong mbemba minkighan. (1 Becor. 7:36) Yemeghe belane é tam ô ne nkuéñ naa ô wônô élat duè ya Jehôva, ya dzeng naa ô bele mefulu bekristen. Ndamben wa ye tebe é mbemba étéñ da ye ve naa ô bele mbemba alukh.

Kaa naa ô yebe naa wa lughane ya môt, ñong é tam da yiène naa ô tugha yem « aval môt a ne. » (1 Pierre 3:4) Nge ô sum bele bisô ébe mam m’ézing, kobeghe de ya é môt wa kômô lukh. Aval ane bilat bise, éyong ô ne n’lughane, wa yiène bembe ébe é dzam ô ne ve é môt mboo, ndaane é dzam a ne wô ve. (Bephil. 2:3, 4) Nge ô dzale metsin metsing me ya Bible kaa naa ô lughan, da ye bo ébubu naa ô tobe mevakh éyong wa ye lukh.

DAGHANE ÉNGENGENG A KÔMAN AKAL ALUKH—ÉTUN 3 : « A FAS ABIM WA YE DZIMLE, » ÉYONG TÉ MIA YALANE MINSILI MIA ZU MI :

• Aval avé élat kal dzèè ya Shane é nga ke da vem ?

• Za mam a nga yen nté élat deba é nga tsine ôsu ?

• Aval avé bebyèñ bèñ be nga vole ñe, ya naa, za mbemba nkighan a nga ñong ?