Amu dzé bia yiène kôman ? É mam ma likh naa besèñ bia, me ne sia boban avoo kaa naa bi va yan do. Éde éndagha, kaa naa ébubua dzam é boban, bia yiène tare kôman naa bi bele avole ésese é ne bo, naa be yem bia sèñ nge dzam té é sia boban. Éyong bia bo do, bia lere naa bia kang éning ya atsing Jehôva a ve nfa mekî. Bisè m. 15:28, 29.

Ô ne bo yè naa ô kôman ?

• Dzaleghe afep (DPA) ya akeng ya fe a bo meyaghlan, afep té da ye wô vole akal té.  a Bekristen be ñohang bautismo nge ki baptême bebién be ne ñong afep DPA ya fe afep Document d’identité médical nge ki la Tarjeta de identidad (ic) akal é boan be ngen avitsang

• Nge ô ne abum, dzaaghe bemvene naa be kee wa afep Información para mujeres embarazadas nge ki Informations pour les femmes enceintes (S-401). Afep té da ye wô vole naa ô ñong mbemba minkighan nfa é mam wa ye tubane mo éyong ô ne abum ya éyong wa ye byèñ

• Nge wa yem naa wa ye bele éndaghle ya adzô mekî nge ki a tobe abuiñ tam a nda-biang, wa yiène de tare kobe bemvene, wa yiène fe dzô bedokira buè naa ô ne dzing naa moan Bengaa a zu be fep

Aval avé bemvene be ne bia vole ? Be ne bia vole dzale afep DPA. Ve, bemvene baa ye ki ñong minkighan mia daghe akal mebiang bia yiène ñong, nge ki a ve bia besôsôe bia yiène ñong. (Bero. 14:12 ; Begal. 6:5) Éyong bia dzô bemvene naa bi ne tubane bindaghle bi ne ve naa be ve bia mekî, ba ye dzigha luè è bôt ba sèñ ya Enlace con los Hospitales de los Testigos de Jehová nge ki Comités de liaison hospitaliers des Témoins de Jéhovah (CLH) akal duè.

Aval avé CLH a ne bia vole ? É bobedzang ba sèñ a CLH be ne nkôghane naa ba vole menda-mebiang mesese ma yebe naa ba sèñ bia kaa naa ba ve bia mekî. Be ne lèè minlang ya bo, ya fas aval be ne bia sèñ kaa naa ba ve bia mekî. Nge é ne boban, be ne be vole a dzeng bedokira befe be ne sèñ nsama ya bo.

DAGHANE ÉNGENGENG AVAL BI NE TOBE NKEE NFA MEÑUU MÈÈ, ÉYONG BIA ÑONG MINKIGHAN NFA MEKÎ, ÉYONG TÉ MIA YALANE NSILI WA ZU WI :

• Za dzam mi va yeghe éngengeng di été é ne bia vole naa bi tobe nkôman éyong bia tubane bindaghle bia daghe nfa mekî ?

  Éyalane dué