Kada mbu, ayong Jehôva da yan ya n’nem ôse naa be sèhane nsama Ésesang ôsiman awu Yésu. Be sono beté kaa naa ésesang té é sum, ya fe éyong é manang bia dzeng meval mesese nfa ye naa bi lughu ya ve Jehôva akiba nfa das ntang. (Beéph. 1:3, 7) Éfônan, bia sèñ ngu’u naa bi bane bôt Ésesang ôsiman awu Yésu. Abim bôt da kôman étèñ deba naa be bo mpwaghe-mefan étun éyong, naa ba dzale mewola 30 nge ki 50 metam é Ngoan lal ye nii. Ye ô ne dzing wa veme ésèñ minkanghle duè étam Ésesang ôsiman awu Yésu ? Dzé é ne wô vole naa ô dzale de ?

Biyong b’izing, bi ne de dzale éyong bia tare sum naa bia kômane dzam té. (Mink. 21:5) Amu naa Ésesang ôsiman awu Yésu é ntoo bebèñ, éndagha éñe bia yiène sum naa bia kôman. Fasghe aval ô ne dzing wa veme ésèñ minkanghle duè étam Ésesang ôsiman awu Yésu, ya yen aval ô ne dzale é mam ô va mane kikh naa wa ye bo. Éyong té dzaaghe Jehôva naa a borane mengu’u muè. 1 Jean 5:14, 15.

Ye ô ne tem é mam ô ne bo nfa ye naa ô veme ésèñ minkanghle duè étam Ésesang ôsiman awu Yésu ?