Bia kômô ve Jehôva n’nem mbeng ébe é mam mesese bia bo. (Mink. 27:11) Nfa ye naa bi bo de, bia yiène ñong minkighan mia lere ôsiman Nzame, amben éyong atsing nge ki tsin atsing ézing déé se ki. Dzé é ne bia vole naa bi bo do ?

A bele mbemba fulu ye naa bia yeghe Bible éyong ase. Éyong ésese bia lang Bible, a ne ane bia lôt tam ya Jehôva. Bi ne yeghe aval Jehôva a tem bii yen aval a nga belan ayong dèñ, bi fas bifônan é bôt be nga bo é mam me ne mbeng ya é ma me ne abé asu dèñ. Éyong bia kômô ñong nkighan ézing, nsisim Nzame ô ne bia vole naa bi simane meyeghle ya metsin metsing me ne éban bi nga tare yeghe a kalare Nzame été. Jean 14:26.

Boghe mindzeng. Éyong wa yiène ñong nkighan ézing, sileghe wamièn naa, ‘Éfus évé nge ki nlang mbé ya Bible ô ne me vole naa me wokh aval Jehôva a wôrane nfa ye adzô di ?’ Dzaaghe Jehôva a vole meyaghlan été, ya bo mindzeng bivol ékôan da ve bia nkôbe wuè, naa bi vole wa naa ô yen ya dzale metsin metsing me ya Bible ma daghe étèñ ô tele. Bya 25:4.

DAGHANE ÉNGENGENG BIA YIÈNE « MARE YA ÔDZIBI » BIA YIÈNE BELE MBEMBA FULU YE NAA BIA DZI BIDZI BI YA NSISIM, ÉYONG TÉ MIA YALANE MINSILI MIA ZU MI :

• Za étsible é kal dèè bi va yen éngengeng a va tobane do ?

  Éyalane dué

• Aval avé ô ne belane bivol mindzeng naa bi vole wa naa ô dang aval bitsible bité ?

  Éyalane dué

• Za abuan bi ne bele éyong bia ñong tam naa bia bo mindzeng, ya bo ayeghle bia bebièñ é ne bia vole naa bi ñong mbemba minkighan ? Behéb. 5:13, 14

  Éyalane dué