AMU DZÉ É NE ÉBAN : A kanghle ngalane téléphone nge ki teléfono a ne évol e ne édedaa éban « nfa ye naa bi tugha kanghle mbemba fuèñ. » (Bisè m. 20:24) * Évol té da likh naa bi kanghle é bôr mam mézing ma ve naa bi taa kobe ye be asu ya asu.

AVAL Ô NE DE BO :

• A kômane. Tobeghe nlô-adzô wa yiène. Éyong té ô kômane é dzam wa kômô dzô. Ô ne fe kômane mbana ô ne étun wéé ve ayilgha ye amu dzé bia luè, nge môr a yalane wa, tobeghe a tebele ayô, ô man fe bui é biôm bisese ô mane kômane ane tableta nge ki tablette a ne wô likh naa ô nyî a JW Library^® nge ki a jw.org^®.

• Tobeghe mvoa. Kobeghe ane ô wôla de dzi bo, ô ne fe foghe mo ane mia môr té mina yénan. Ô taa dang sim. É ne fe éban naa ô sèñ nsama ya é bôr bevoo. Nge nlô ya nda bôt a sili wô nsili, baalane wô ôyap ôyô, naa é môr mia nye mi ne a vole wô yalane nsili té.

• A dzô é dzam é ne ve naa ô zu bo ayene bèè. Nge môr té a kômô tsini nlang té ôsu, ô ne nye likh nsili wéé zu yalane wô éyong wéé bera luè. Ô ne nye lôm e-mail, nge ki a ke nye de kee, nge ki faa a lôm nye abakh. Ye naa ô ne fe lôm ngalane sms, éngengeng nge ki nlô-adzô ézing. Éyong da ye bo mbeng, kobeghe môr té minlô-mendzô bi bele a nden nfa ayeghle ya Bible, nge ki faa mam mefe me ya nden wèè.