A téé ye mbu 2018, bekalare mefuèñ mèè ma daghe môr ase, be nga sum tiè nlô adzô mboo éyong dèè. Bekalare mefuèñ beté besese, be ne Éwala bivol akal minkanghle dèè. Éde bia yiène belane mo minkanghle. Bi ne fe toa ayôm mebakh me ye été éyong bia ke a makit nge ki ékena. Bia belane ki mebakh meté naa bia yeghe Bible ya bôt ve, me ne ve môr ôzang nfa mam me ya nsisim.

Niène ô suman nlang, lang môr té éfus, ya ve nye abakh é ne ve naa a kômô lang. Éfônan, nga yale nda bôt, nge ki naa a tubane mindzukh nge naa n’nem ô kele nye ôyôp, ô ne nye dzô naa : « Me ndaghe lang mbemba nlô adzô da tsinane é dzam wa tubane do. Ye me ne wô de lere ? » Nge ô yen naa a kômô tsini nlang ôsu, ô ne nye ve kalare nge ki a lôm nye do a nden, amben wa tare nye yen éyong ôsua. A fang bo naa a kap bekalare é se ki é dzam bia tele ôsu, bekalare mefuèñ be ne bia vole a yen é bôr be ntoo nkoghane naa ba yeghe mam.​—Bisè m. 13:48.