Yésu a nga kare « mbemba fuèñ y’Édjié Nzame. » (Luc 4:43) A nga lere fe bôt aval be ne yeghle akal Édjié té. (Mat. 6:9, 10) É Ngoan awôm-a- mboo, bia ye bo ngura aval minkanghle naa bôt be yem fuèñ y’Édjié Nzame. (Mat. 24:14) Yemane taa mam, naa mi sukh ngura aval minkanghle mité, é bôr besese ba kômô sèñ a ne mpwaghe mefan étun éyong, be ne top naa ba sèñ mewola 30 nge ki faa mewola 50 ngoan té.

Kabeghe kalare té ébe abim bôt besese wa ye tubane de abeng minkanghle denan. Éyong wa ye top kalare, dzenghe naa ô yem m’bunane bebèè bwiè be bele. Nge môr a kômô tsin nlang ôsu, ô ne nye kee Ô momo akal minkanghle Nomo 2 ye mbu 2020. Éyong té wa dzeng naa ô bera nye ke fep avôô ye sum ayeghe ya Bible, wéé belane mebakh me ye Éwala bivol akal minkanghle. Tam é ligheyang avitsang naa Édjié Nzame é man zu tsam bidjié bisese bi ne nye é ngam ayat. (Dan. 2:44 ; 1 Becor. 15:24, 25) Édeeng, yemane buane minkanghle mité naa mi lere naa mia sukh ye n’nem ôse Jehôva y’Édjié dèñ !