A NING ANE MOAN KRISTEN
Beleghe mebun ébe Jehôva éyong wa tubane é môt a pogho wa nge ki é môt a ndaghle wa
É bôt ba ndaghle bia ya pogho bia, be ne bia dzughu nfa ya nsôn ya nfa aval bia wôrane. Be ne fe bia dzughu nfa ya nsisim nge bi ko be wong, éyong ba pogho bia amu bia sèhane Jehôva. Édeng, aval avé ô ne kame wamièn ?
Abuiñ Bengaa Jehôva be nga dang bitsible bité éyong be nga ve mebun meba ébe Jehôva. (Bya 18:17) Éfônan, Esther a nga ñong nkobe naa a dzô é mam mbia môt Hamán a nga bo. (Est. 7:1-6) Kaa naa a bo de, a nga lere mebun mèñ ébe Jehôva éyong a nga tobe kaa dzi. (Est. 4:14-16) Jehôva a nga borane mimboan mièñ, a ne a nga kame ñe ya ayong dèñ.
A étong, nge wa tubane é môt a pogho wa nge ki é môt a ndaghle wa, dzaaghe Jehôva avole ya kobe do ya é ñamôrô a ne éwôlô, ane ésua nge ki ñua, ô ne bele mebun naa Jehôva a ye wô vole aval a nga vole Esther. Za dzam afe ô ne bo naa ô dang étsible té ?
DAGHANE ÉNGENGENG ÉNING ÉTONG MÔT—AVAL AVÉ ME NE DANG É POGHE YE BINDAGHLE É BÔR BEVOO ? ÉYONG TÉ MIA YALANE MINSILI MIA ZU MI :
-
Za ayeghle bitong bi ne ñong ya bifônan Charlie ya Ferin ?
-
Aval avé é dzam Charlie ya Ferin be va dzô, é ne vole bebyèñ naa be vole é boan beba naa be dang é pogho ya bindaghle ba tubane bio ?
