É Pascua nge ki Pâque Yésu a sughlane dzemle é nga ye bele môra ayilgha. A too naa abong té awu dèñ é nga yirang, a mbe bele naa a dzi bidzi bi ya Pascua ya mintôl mièñ. Ye tare ésesang n’dziane Nti ôsua da ye bobane kada mbu. Ane a nga lôm Pierre ba Jean naa be ke kôm édzina akal ésesang té. (Luc 22:7-13 ; daghe évaghle é ne atarga afep di.) Dzam té da simane bia naa bia yiène kômane akal ésesang ôsiman awu Yésu da ye bobane alu 27 ye Ngoan lal. Bikôan bi nga yièneyang mane kômane akal é môr a ye tebe ntun y’ésesang té, n’yamane mfem ya vino, ye é mam mevoo mese. Ve, za dzam kada môt y’ébe bia a ne bo naa a tobe nkoghan akal ésesang ôsiman awu Yésu ?

A kômane mi n’nem mienan. A lang ye binane nlang Bible wa tsinane ésesang té. Bi ne yen ntaane akal nlanghane té a Examinando las Escrituras diariamente nge ki Examinons les Écritures chaque jour. Apéndice B12 a nféfèñ Traducción del Nuevo Mundo (B12-A ; B12-B) nge ki Traduction du monde nouveau (B12-A ; B12-B) é bele abuiñ mam mefe. (Bi ne fe yen kalare akal ésulan Éning moan kristen ye ésèñ minkanghle ye Ngoan nii ye mbu 2020.) Menda me-bôt me ne yen mbemba minlô medzô akal ayeghle ya nda-bôt deba ma lere éban ntang ô bele a índice de las publicaciones Watch Tower/index des publications des Témoins de Jéhovah nge ki Guía de estudio para los testigos de Jehová/Guide de recherche pour les Témoins de Jéhovah.

Luèghe bôr befe naa be zu ésesang té. Bia yiène dzeng naa bi sukh minkanghle akal ésesang ôsiman awu Yésu. Simeghane é bôr ô ne luè, ane é bôr ô yenang éyong bèè, éba be nga yeghe Bible ya wa melu ô mvus, é bôr wa yem ye bôt be ya menda me-bôt mwiè. Bemvene ba yiène fe luè é bôr be mana takh a nsisim. Bi ne bo yè nge é môr bia yem éé too ki bia bebéñ ? Bi ne ke dzeng awala y’é vôm ésesang té da ye bobane é vôm a too. Bi ne fe ke fite atoan BI NE BEZA é nden wèè jw.org, éyong té, bi ke fite étun « Ésesang ôsiman awu Yésu. »

Za mam mefe bi ne bo naa bi kômane ?