A NING ANE MOAN KRISTEN
Aval bi ne ve avole éyong bibubua bi-mam bia boban
Bibubua bi-mam bia bira boban ému. Éyong bibubua bi-mam bia boban, é bôt ba ke ve avole ba yiène tobe mbemba nkômane ya yem taa mam. Ya dzam té, Tsin Ékôan a nga tele departamento nge ki departement akal avole éyong bibubua bi-mam bia bobane mebeng mesi meba.
Éyong bobedzang be ye departamento nge ki departement té ba wokh naa ébubua dzam é boban-yang, étotébièn ba luè bemvene be ye vôm té naa be yem é mam ba kômô naa be vole be. Nge ébubua té é va dang wuiñ biôm ntukh aval da ve naa bekarfuèñ ye vôm té béé se ki de kôm, ntem ékôan a ye lôm é bôt be ne nkoghane naa be zu wulu ya bisèñ bia vole. Bobedzang beté be ne luè é bôt ba kômô zu ve avole, a dzaa bivevee, é biôm ba yi nge ki a kus ya kap é biôm bi ne éban vôm té.
Abuiñ abuan é ne éyong ba bo mam aval té. Dzam té da ve naa bi taa dang dzimle ngu’u, a zaman, ye kaa wuiñ mono nge ki biôm bife ntukh, é dzam é ne boban éyong bobedzang ba sia sèñ ya nkômane wôba.
É bobedzang ntem ékôan a va tele, be ne dzô abim mono ya abim bôt ba kômô, nfa ye naa be sukh bisèñ bia vole. Be ne woghan ya bengoman be ye mevôm meté, be ne fe bia vole biyong bizing naa bisèñ melong bi ke avoo. Éde, éngôngol mi taa kikh naa mia kôan mono, a lôm biôm akal avole, nge ki naa mia bebién mia ke é vôm ébubua é va boban kaa naa be va dzô mia do.
Amben naa té, éyong ébubua dzam da boban, bia kômô ke ve avole. (Behéb. 13:16) Bia dzing bobedzang bèè ! Za dzam bi ne bo ? É dzam da dang éban é ne naa, bi ne yeghlan akal é bôt be va dzukh ya é bôt ba ke ve avole. Bi ne fe ve bivevee bi mono akal biseñ bisese bi ye si se ngura. Ye king Tsin Ékôan, mintem mikôan ébe ba dang yem é vôm be ne yem belane bivevee. Nge bia bebién bia kômô ve avole, bi ne lere naa bi ne nkôghan éyong bia dzale afep solicitud de voluntario local de diseño y construcción nge ki Demande d’admission comme volontaire local développement/construction (DC-50).
DAGHANE ÉNGENGENG É MORA NDEM É NGA BONAN A BRAZIL, ÉYONG TÉ MIA YALANE MINSILI MIA ZU MI :
Za dzam da dang mia name nfa mengu’u Bengaa Jehôva be nga lere éyong môra ndem é nga boban a Brazil mbu 2020 ?
