Za minzukh wa tubane mio ému ? Ye ô ne nlô ya nda bôt a bele abuiñ meyem ? Ye wa kale é boan bwiè étam, wéé ve fe mengu’u naa ô kuiñ amane ngoan ? Ye ô ne étong mong da tubane bindaghle ébe mengom me ya sikôlô mwiè ? Ye ô bele ôkoan ézing, nge ki naa n’nôm wa daghle wa ? Môr asese a lumane ya ngura dzam. Abuiñ bekristen ba lumane ya abuiñ bindaghle éyong daa. Ve, bia yem naa avitsang tam é ligheyang naa bi tobe nkôrane ya bindaghle.​—2 Becor. 4:16-18.

Éndagha, da sili bia n’nem ô si éyong bia yem naa Jehôva a wokh minzukh bia tubane mio, a yen mvèñ é sôsôe wèè, ye aval bia zôme, ya fe naa a baleyang fe bia bôra biborane. (Jér. 29:11, 12) Yésu ny’a wokh fe kada môt ye be bia. Nté sese bia ke bia dzale ayem bekristen dèè, bi bele mebun naa : « a ne ya bia. » (Mat. 28:20) Éyong bia sim ya binane é fili Édjié Nzame da ye so do, da wône é ngiagh bi bele, ya zôme minzukh bia tubane mio.​—Bero. 8:19-21.

DAGHANE ÉNGENGENG A TOO NAA BIBUBUA BI-MAM BI NGA YIRANG, BEMGHAN É MIS MENAN ÉBE YÉSU !​—BIBORANE BIA YE ZU YA ÉDJIÉ NZAME, YE YALANE MINSILI MIA ZU MI :

• Aval avé bi ne lum Nzame mvus, nge bi boo do, dzi da ye lôrane bia ?

• É bôr ba tobe Jehôva sôsôe ba yane beza mam ?

• Za mbemba be-mam bia yane melu ma zu ?

• Za biborane bi ye nféfèñ éning wa yane ému ?