Bikôan biè été, bia tubane é bôt be sèaneyang Jehôva ayap. Bi ne yeghe abuiñ mam y’aval be nga yaghbe ébe Jehôva. Bi ne be sili minsili mia daghe Ékôan, ye minzukh be nga tubane mie, nté sese be nga sèane Jehôva, y’aval a nga vole be. Bi ne sili mboo y’été minsili éyong bia bo ayeghle ya nda-bôt.

Ng’ô ne é kristen a ne éwôlô, kobeghe ye bitong bekristen adzô ye mebun mwiè. Jacob ye José nge ki Joseph be nga kobe adzô ye mebun meba ébe memvong meba. (Atar. 48:21, 22 ; 50:24, 25) Jehôva a nga sughlane sili minlô me ya menda me-bôt naa be yeghle é boan beba é bôra be-mam a nga bo. (Deut. 4:9, 10 ; Bya 78:4-7) Melu mèè, bebyèñ ye bôr befe be y’ékôan, be ne kobe y’é mvong da zu adzô y’é mbemba be-mam be nga yen Jehôva a bo Ékôan dzèñ été.

DAGHANE ÉNGENGENG N’BAGHLANE ÉLAT METAM BA KILI BIÈ MINKANGHLE, YE YALANE MINSILI MI :

• Aval avé ntem ékôan y’Australia nge ki Australie ô nga vole bobedzang be ye mesi m’ézing be nga kili ésèñ minkanghle ?

• Aval avé bobedzang be ye mesi meté be nga baghlé mebun meba ngu’u ?

• Amu dzé bekare fuèñ b’ézing be ya Romania nge ki Roumanie be nga kanane y’Ékôan Jehôva, aval avé ki, be nga bera so été ?

• Aval avé minlang mité mi ne yemle mebun menan ?