Akal bi ne be-bo minsem, bia yiène ve mengu’u éyong ésese naa, bi djiè mekômgha mèè. Nge biaa djiè ki mekômgha mèè, é ne ve naa bi dzimle ayebe Jehôva. Éfônan, bôt b’ézing be wula likh mekômgha meba nfa ya bidzi, bitôp, ye mam m’ézing me lôt édzing be bele akal Nzame. Éba bevoo, ba dzale mekômgha meba nfa a ke binong kaa bis metsin metsing Nzame. (Berom. 1:26, 27) Ba bevoo ki ba likh naa é bôt bevoo be tsine be naa be bo é dzam é ne abé amu ba kômô naa be dzing be ya yebe be.—Akô. 23:2.

Aval avé bi ne djiè mekômgha mèè ? Bi ne de bo éyong bia bem mesimane mèè ébe é mam ma ve Jehôva n’nem mbeng. (Mat. 4:4) Bia yiène fe dzaa Jehôva naa a vole bia naa bi djiè mekômgha mèè. Amu dzé ? Amu a yem é dzam da dang mbeng akal dèè ya naa a yem aval bi ne dzale mekômgha mèè.—Bya 145:16.

DAGHANE ÉNGENGENG Ô TAA LIKH NAA SIGHA É DAMANE ÉNING DUÈ, ÉYONG TÉ MIA YALANE MINSILI MIA ZU MI :

• Amu dzé môt b’ézing ba ñu sigha ?

• Za dzam sigha é ne wô bo ?

• Amu dzé a ñu sigha ye ñu biôm bife bia fônane sigha é ne abé ?—2 Becor. 7:1

• Aval avé ô ne dzô naa waa ñu ki sigha nge ki a sim mbimbia fulu té nge ô sum-hang de ?