Akal amangha ye émo di é ntoo bebéñ, terrorisme nge ki terrorismo, meluman, ébiran ya mam mefe ma ye bo va ke ma vem. (Mel. 6:4) Aval avé bi ne kôman akal minzukh mia zu alé ?

• A kômane nfa ya nsisim : Bia yiène dzeng naa bi yem metsin metsing ya minlang mi ya Bible mia ve naa mebun mèè ébe Jehôva ye ékôan dèñ me bo ngu’u. Mboane té wa ye bia vole naa bi bo kaa ñong ngap ye mam y’émo. (Mink. 12:5 ; jr-S págs. 125-126 párrs. 23-24 ; jr-F p. 125-126 § 23-24) Abong di éde bia yiène wônô élat dèè ye bobedzang be ye ékôan.—1 Pierre 4:7, 8

• A kômane nfa ya kame é ñuu dèè : A kôman é vôm wa ye ke nge wéé se ki bera tobe é nda duè. Ye boan be biôm wa ye tobe bio achèñ naa ô dzi, ye fe a kôman aval mia ye wulu naa mine kôre nda ye ke é vôm mia ye ke sobe, ye koghle ngura aval bitôp mi ne boat naa bi kame mia, ya fe ôyôm mono. Dzenghe naa ô yem é nomo nkoo bemvene, ye tugha yen nge baa fe be bele é nomo nkoo wiè.—Esaïe 32:2 ; g17-S.5 3-7 ; g17-F.5 3-7

Nté mbimbia dzam a boban, vakh mengu’u naa ô baghle mbemba mefulu ane : A yeghlan, a yeghe Bible, a ke bisulan (Bephil. 1:10) Ô taa ke wa ke mevôm-mevôm, ngam ve nge é ne éban naa ô bo de. (Mat. 10:16) Kabghe bidzi ô bele ya é bôt bevoo béé bele ki.—Berom. 12:13.

DAGHANE ÉNGENGENG Y’Ô NTOO NKOGHAN AKAL BIBUBUA BI-MAM?, ÉYONG TÉ MIA YALANE MINSILI MIA ZU MI :

• Aval avé Jehôva a ne bia vole éyong bibubua bi-mam bi ne ?

• Z’aval mam bi ne bo naa bi kôman akal bibubua bi-mam ?

• Aval avé bi ne vole é bôt ba tôbane bibubua bi-mam ?