Daa bo ki bia éyaghan éyong bia yen naa mam me ye émo di ma ve naa bôt be tobe ajèñ si se ngura. Amu dzé ? Amu naa, bi nga ning-hang melu me ye asughlan ya fe naa Bible a ve bia mbam naa bi taa bele mebun ébe « akum déé se ki éban. » (1 Tim. 6:17 ; 2 Tim. 3:1) Za ayeghle bi ne ñong ébe éfônan kéza Jehosafat éyong a nga yem naa ajèñ é nga zua boban ?

Jehosafat a nga lere mebun ébe Jehôva, éyong a mbe tele mbimbia étèñ. (2 Mila. 20:9-12) A nga bo fe abim mam mézing naa a kôman ayong kaa naa dzam té é boban, ye bera ke a long bekisoan ya mevôm bizima bia tobe. (2 Mila. 17:1, 2, 12, 13) Aval ane Jehosafat, é ne mbeng naa bi bele mebun ébe Jehôva ya bo mam mézing me ne bia vole kaa naa minzukh mi boban.

DAGHANE ÉNGENGENG Y’Ô NTOO NKOGHANE AKAL BIBUBUA BI-MAM ? ÉYONG TÉ MIA YALANE MINSILI MIA ZU MI :

• Za mam bia bebién bi ne bo nfa ye naa bi tobe nkôghan éyong bibubua bi-mam bia ye boban ?

  Éyalane dué

• Aval avé bi ne tobe nkôghane naa bi vole é bôt bevoo ?

  Éyalane dué