Édzing é ne é pegamento nge ki colle da ve naa nda bôt é tobe élat. Nge édzing déé se ki, da ye bo nzukh naa élat ye awôghane be bo nda bôt té été. Aval avé beyôm, beyèè ya bebyèñ be ne lere édzing a nda bôt deba été ?

N’nôm a ne ényeghe, a yiène bele ôsiman é mam ngal a yi, ya é dzam a wôrane a n’nem été. (Beéph. 5:28, 29) A yiène fe dzale mekômgha me ya nsôn, é ma me ya nsisim, kaa ki vuène naa a bo mban ayeghle ya nda bôt dzèñ été. (1 Tim. 5:8) É minenga a ne ényeghe, a yiène bo n’nôm wèñ mewokh, ye lere nye « môra ngang » (Beéph. 5:22, 33 ; 1 Pierre 3:1-6) Ngal ba n’nôm ba yiène bele fulu ya bo bidzamgha ya n’nem ôse, éyong be bele mintsiè (Beéph. 4:32) Bebyèñ be ne édzing, ba bis kada moan woba sese, ya lere bo aval be ne dzing Jehôva. (Deut. 6:6, 7 ; Beéph. 6:4) Za minzukh é boan benan ba tubane mio a sikôlô ? Aval avé ba dang minzukh mité ? Éyong édzing é ne a nda bôt été, môr asese a wôrane mvoa.

DAGHANE ÉNGENGENG NLEREGHANE ÉNYEGHE DAA YE KI DZANG É NDA BÔT DENAN ÉTÉ, ÉYONG TÉ MIA YALANE MINSILI MIA ZU MI :

• Aval avé n’nôm a ne édzing a ne baghle ye lere é minenga wèñ édzing ?

• Aval avé é minenga a ne édzing a ne lere n’nôm wèñ môra ngang ?

• Aval avé bebyèñ be ne édzing be ne yeghle é boan beba kalare Nzame ?