Bobedzang ba sèñ ngu’u naa be kômane bifônane minkanghle, éde abuiñ bekare fuèñ ba yen naa bia wulu mbeng, mebeng minkanghle mieba. Ve, amu mam méé se ki aval dèè mevôm mese me ya si, bekare fuèñ be ne top naa ba belane metargha minlang mefe, nge ki minlô medzô mife bôt ba dzing ba wokh minkanghle mieba été. Édi da daghe ngura aval minkanghle, ba yiène belane melepgha ba ve be bisulan. É dzam bia bese bia yi é ne naa bi dzale ésèñ Yésu a nga kee bia naa bi kanghle mbemba fuèñ ye Édjié Nzame.—Mat. 24:14.

Éyong bong besikôlô be bele bisèñ, bekare fuèñ ba yiène kang minlô medzô me y’éfônan minkanghle é ne é kalare akal ésulan Éning moan kristen ye ésèñ minkanghle. Ngam ve baa sili be dzam afe, be ne top nsili, éfus, nge ki nsili wa lighi wa wulu mbeng abeng minkanghle deba été. Nkômane té wa songhan éwi ô ne afep 8 ye kalare akal ésulan ye Ngoan saman ye mbu 2020.