Bible a ne ndzalane ya é bôt Jehôva a nga yalane meyaghlan meba. Éyong be-bo bisèñ Nzame be nga yen aval Jehôva a nga bèè mintiè kada môt ye ébe be, ya aval a nga vole bo, mbunane wôba ô nga bera ke wa wôn. Éde ne naa, bia yiène tugha dzô é mam ma daghle bia meyaghlan été, ya dzeng naa bi yen éyalane Jehôva a ve bia. Baghlane ôtemgha naa, a ne bo naa é dzam bi va dzaa biaa bele ki éyalane nge ki naa da lôt é dzam bi va dzaa. (2 Becor. 12:7-9 ; Beéph. 3:20) Za aval éyalane Jehôva a ne ve ébe é mam bia dzaa ñi ?

• A ne bia ve ngu’u nfa ye ñuu, ôtemgha nge ki nfa ya nsisim naa bi lumane ya mintiè bia tubane mio.—Beph. 4:13

• A ne bia ve n’yeman naa bi ñong mbemba minkighane.—Jacq. 1:5

• A ne bia ve nkôman ya ngu’u ya bo mam.—Beph. 2:13

• A ne bia ve mvoa éyong n’nem ô kele bia ôyôp.—Beph. 4:6, 7

• A ne bia ve ngu’u nfa ye nsôn nge ki nfa otemgha ngalane é bôt bevoo.—1 Jean 3:17, 18

• A ne vole é bôt bia tu meyaghlan mèè été. —Bisè m. 12:5, 11

DAGHANE ÉNGENGENG JEHÔVA É MÔT « A BÈÈ MEYAGHLAN », ÉYONG TÉ MIA YALANE MINSILI MIA ZU MI :

• Aval avé éfônane moadzang Shimizu é ne bia vole éyong bi bele ôkoan ézing ?

• Aval avé bi ne vu éfônane moadzang Shimizu ?