29 Ngoan zangbwa–4 Ngoan muom
BYA 69
Za 13 ya meyaghlan | Asumgha (Ébuk 1)
1. Za mam nten Bya 69 ô nga kobe naa é nga dzalban éning Yésu ?
(Bibuk 10)
Ba ye vini Yésu kaa étom (Bya 69:4 ; Jean 15:24, 25 ; w11 15/8 11 párr. 17).
Yésu a ye bo ayông akal ña ékang (Bya 69:9 ; Jean 2:13-17 ; w10 15/12 8 párrs. 7-8).
Yésu a ye wokh édedèè mintèñ, ve, ba ye ñe ve vino a ne sang (Bya 69:20, 21 ; Mat. 27:34 ; Luc 22:44 ; Jean 19:34 ; g95 22/10 31 párr. 4 ; it-2 669-670).
A BINANE : Amu dzé Jehôva a nga ve naa be tsili minkulan medzô mia daghe Mesías mintsili hebreos été ?
2. Mimbeng mi-mam mi ya nsisim
(Bibuk 10)
-
Bya 69:30, 31 : Aval avé bifus bité bi ne bia vole naa bi yem kôman meyaghlan mèè ? (w99 15/1 18 párr. 11).
-
Za mbemba be-mam me ya nsisim ô va yen éyong ô va lang Bible é sono ñi wa kômô kap ya é bôt bevoo ?
3. Nlanghan ya Bible
(Bibuk 4) Bya 69:1-25 (th ayeghle 2).
4. Ôdzibi : É dzam Yésu a nga bo
(Bibuk 7) Nlang. Daghane ÉNGENGENG, ya lèè minlang mi belane nso kalare lmd ayeghle 8 metoan 1-2.
5. Ôdzibi : Vughe Yésu
(Bibuk 8) Lèèghane minlang mi belane nso kalare lmd ayeghle 8 metoan 3-5 ya éfaalé « Daghe fe. »
Za 134
6. É mam ma daghe ékôan
(Bibuk 5)
7. Metsin metsing akal ayeghle ye nda-bôt
(Bibuk 10) Nlang.
É Ngoan ôsua ye mbu 2009 be nga fulan ayeghle Bible y’ékôan, Escuela del Ministerio Teocrático nge ki École du ministère théocratique ya Reunión de Servicio, naa be yeghe besese beté môs mboo, ésulan ézizang sono. Dzam té é nga ve naa menda me-bôt me bele môs mboo ébe kada sono naa be bo ayeghle ye nda-bôt. Abuiñ bôt be nga ve akiba akal nkômane té, amu naa dzam té é nga vole be naa be yir Jehôva ya bôt be ye nda-bôt deba bebèñ (Deut. 6:6, 7).
Za metsin metsing me ne vole minlô mi ye nda-bôt naa be tugha buane ayeghle ye nda-bôt deba ?
-
Boghe de ya mban. Nge é ne kuiñ, vaane ngum awôla mia bo ayeghle ye nda-bôt kada sono. Mi ne kôman môs nfe mi ne bo ayeghle ye nda-bôt nge mia tubane bindaghle bizing bia ve naa mi taa bo ayeghle.
-
A kôman. Silighe é minenga wiè, biyong bizing é boan buè, é dzam ba tem naa mi ne bo. Nlô ya nda bôt aa yiène ki lôt abuiñ tam naa a kôman, a dang-dang nge bôt bézing be ye nda-bôt denan ba dzing ba bo mam mézing mi wôla bo ayeghle ye nda-bôt denan kada sono.
-
Vakh naa nkôman ye ayeghle ye nda-bôt duè ô dzale mekômgha me ye nda-bôt. Nté sese é boan benan ba ke ba vem, mekômgha meba ya é mam ba yem bo ma tsen. Éde, nkôman wônan wa yiène vole kada môt ye nda-bôt naa a vem nfa ya nsisim.
-
Dzenghe naa bôt be ye é nda bôt duè be wôrane mvoa ya mevakh, éyong ba ye bo ayeghle ye nda-bôt. Biyong bizing mi ne bo ayeghle ye nda-bôt atan, nge tam é ne mbeng. Nge é ne boban, mi ne waghan. É ne été naa mi ne kobe mam mézing ma ndaghle menda-mebôt menan, ve, miaa yiène ki belane ayeghle ye nda-bôt naa mia kè medzô ye songhane bôt be ye nda-bôt denan.
-
A bo wéé tsen minlô-medzô mia ye yeghe. Éfônan : Mi ne kôman ngum nfa ye ésulan da zu, mi ne daghe éngengeng ézing a nden wèè jw.org ya lèè minlang mia daghe éngengeng té, mi ne fe kôman é dzam mi ne dzô minkanghle. Afiang bo naa a lèè minlang é ne dzam dèè ye tsin ye ayeghle ye nda-bôt, ve, mi ne belane tam té naa kada môt a bo ayeghle môt émièn.
Silighe nsili wi :
-
Aval avé mi nga dzeng naa mia dzale metsin metsing meté ayeghle ye nda-bôt denan ?
8. Ayeghe Bible y’ékôan
(Bibuk 30) bt abong 13 bitun 8-16, nkaalé ye afep 105.
