Ye mi va tugha lang be Ô momo be ye mbu wi ? Yeneghane nge mi ne yalane minsil mi :

A ve naa « ôsiman wônan ô bo nféféñ » da sili za dzam ? (Bero. 12:2)

Daa sili ki fave naa ô dzale éning duè ye mbemba be-mam. Da sili fe naa bi fas aval bôt bi ne, ya tsen nfa ye naa, bi kang metsin metsing Nzame—w23.01, p. 8-9.

Aval avé bi ne baghle n’yenane mam wa yiène, éyong bia yen é mam ma bobane ému ?

Bia bira bis é mam ma bobane éndagha ye kômô yem aval mam meté me ne dzale nkulan adzô ya Biblia. Ndaane naa, bia sum ke bia dzô naa bifiè bité bia dzale nkulan adzô, ye sum kane ékôan, é ne mbeng naa minlang miè mi bembe ébe é dzam Ékôan Jehôva é kuleyang (1 Bec. 1:10)—w23.02, p. 16.

Aval avé ndubane Yésu wa selane ya éwi beyeghe bèñ ?

Amu a nga byale ayong é mbe nvaane akal Nzame, déé mbe ki éban naa Yésu a ve Jehôva éning dèñ ane bia bo de. Yésu a mbe kaa ékop, a too fe kaa nsem. Déé mbe ki éban naa a dzôban akal minsem mièñ—w23.03, p. 5.

Aval avé bi ne vole é bôt bevoo naa be yalane bisulan bi y’ékôan ?

Bi ne ve biyalan bi ne étun, naa é bôt bevoo be bele tam ya yalan. Bi taa mane kulu mesimane mesese. É bôt bevoo be ne kule mesimane mevoo—w23.04, p. 23.

Dzé é ne « Nfufup zen » ba tu nten Esaïe 35:8 ?

Ôsusua, zen té a mbe ésala be Judíos nge ki Bejuif be nga ñong éyong be nga kôre Babilon naa ba dughan é si deba. Édi da daghe metam mèè ki ? Mimbu mi nga zu kuiñ mbu 1919, be nga kômane bisèñ nfa nkonghlane ye nkulan be Bible. Ayong Nzame é nga sum wule « Nfufup zen » ayô naa ba ke a Paradis ya nsisim, édi da kee be biboran bi y’Édjié Nzame—w23.05, p. 15-19.

Minkana abong 9 da ve za melepgha ma daghe bifônan binenga bebéñ ?

Nten Minkana wa kobe adzô « é minenga a ne ôkukut » nluène wèñ wa k’a bôt « a song été » ye « ña fakh » é ne éfônan é minenga nluèn wa k’a bôt « é zen ya mbemba nwoghan » y’éning (Mink. 9:1, 6, 13, 18)—w23.06, p. 22-24.

Aval avé asili ñuu y’é fulu a bo kaa yemle mam Nzame be nga yeneban ébe élat dèñ ya Lot ?

Jehôva a nga dzô Lot naa a kôre Sodom ye ke é si é ne minkôô. Éyong Lot a nga dzaa naa a kômô ke sobe a Zoar, Nzame a nga yebe é dzam a nga dzaa ñe—w23.07, p. 21.

Za dzam é minenga n’nôm a daghe pornographie a ne bo ?

Aa yiène ki ve émièn bidzô. A yiène bembe ébe élat dèñ ya Jehôva ye binan ébe minlang mi ya Bible y’é binenga be nga bele afôlô ébe ñe. A ne vole n’nôm naa a taa bera tebe bitèñ bi ne ve naa a bera daghe pornografía.—w23.08, p. 14-17.

Aval avé a yem fas mam da vole bia a bo évuvuèñ, éyong môt a sili bia minsili nfa mebun mèè ?

Bi ne ñong nsili môt a sili bia ane é dzam é ne bia vole a yem ôsimane wèñ y’é dzam é tsii ñe n’nem. Éyong bia bo mam aval té, bi ne yalane ñe ya fulu évuvuèñ.—w23.09, p. 17.

Za dzam bi ne yeghe ébe aval Maria a nga bele ngu’u ?

Éyong a nga yem naa éñ’a ye byèñ Messie, Maria a nga dzeng naa a bele ngu’u ébe é bôt bevoo. Gabriel ba Elízabet be nga saghe ñe ngalane Mintsili. Bia fe bi ne bele é ngu’u da so ébe bekristen bevoo—w23.10, p. 15.

Aval avé Jehôva a ne yalane meyaghlane mèè ?

A kiagh naa a bèè meyaghlane mèè ye fas aval é mam bia sili ñe me ne élat ya nkômane wèñ (Jér. 29:12). A ne yalane meyaghlane mèè abuiñ meval, ve a ye bia sukh asi éyong ésese—w23.11, p. 21-22.

Nten Beromain 5:2 wa kobe adzô « ôyane », édeeng, amu dzé ba bera kobe adzô té éfus 4 ?

Éyong môt a wokh mbemba fuèñ, a ne bele ôyane naa a ye ning a Paradis a si va. Ve, éyong a tubane minzukh, a zôme mio ye yen naa a bele ayebe Nzame, dzam té da ve ñe naa ôyane wèñ ô tugha bo ngu’u ye yen wô ane é dzam dèñ émièn—w23.12, p. 12-13.