MEZIK me mbe me bele mura ngap bining Bisraelitas été. Biblia a bo é tu bôt bé belane bivôl ba bôm a bie mezik nge ki bé yiè bya. Ya dzam té, bia kuan abuiñ bya a Biblia été. Éfônan, be nga tsili minten Bya, Za Salomon, ye Minyamle naa be yiè mie. Abakh da tsiè aval éning é mbe metam me ya Biblia da dzô naa, Biblia a tugha lere naa Bisraelitas be mbe bé belane mezik ébe abuiñ mam ye bining bieba.

Mezik éning ye môs ôse. Bisraelitas be mbe bé bôm mezik naa be dzô é mam ba wôran (Esaïe 30:29). Binenga be mbe bé bôm boan mengom, bé yiè bya ya mevakh, ye dzem metam be mbe bé tele bedjié, mefet, ye éyong bizima bi mbe bi wun meluman (Bekô. 11:34 ; 1 Sam. 18:6, 7 ; 1 Bed. 1:39, 40). Bisraelitas be mbe fe bé yiè é bya bi mbe édedaa éngôngoo éyong be mbe bé yi (2 Mila. 35:25). Aval ane abakh McClintock and Strong’s Cyclopedia da dzô de, é ne kaa bisô naa : « Behebreos be mbe ayong da bira belane mezik. »

Mezik é nda kéza. Mezik me mbe mé bira tobe bekéza be ye Israel mvèñ. Kéza Saul a nga luè David naa a zu bo mbôm mezik mboo ye nda kéza (1 Sam. 16:18, 23). Ôsu vaa, éyong David émièn a nga bo kéza, éde a nga kôm bivôl ba yiè bie bya, a nga té mbemba be-bya, ye mane kôman nsama beyiè bya naa be bo bé bo de, é nda Jehôva (2 Mila. 7:6 ; Amos 6:5). Kéza Salomon ñe a mbe a bele befam ye é binenga be mbe bé yiè bya é nda dzèñ (Eccl. 2:8).

Mezik ékang été. É dzam da dang éban é ne naa, Bisraelitas be mbe bé belane bya naa, be kang Jehôva. Éde, é nda Jehôva a Jerusalén é mbe é bele bebôm mezik 4 000 (1 Mila. 23:5). Be mbe bé bôm becymbale, bivôl bi ne ye minkoo, memvet, ye betong (2 Mila. 5:12). Ve daa, aa mbe ki fave bebôm mezik beté, ébe be mbe bé kang Jehôva ye mezik. Abuiñ Bisraelitas ba fe be mbe bé yiè bya éyong be mbe bé dzemle mefet me ye kada mbu a Jerusalén (Bya 120-134). Aval ane mintsili Bejudíos mia lere de, Bisraelitas be nga yiè Behallel be ye Bya a, é tam ndziane ye Pascua nge ki Pâque.

Mezik me ngen éban akal ayong Jehôva (Jacq. 5:13). Bya bi ne ngap ye ékang bia ve Jehôva (Beéph. 5:19). Mezik ma ve naa, élat é bo ézizang bia ye bekristen bevoo (Becol. 3:16). Ma wône fe bia éyong bia dzukh (Bisè mintôl 16:25). Mezik me ne mbemba aval bia lere mebun mèè ébe Jehôva ye édzing bi bele akal dèñ.