Bebyèñ be bele mura ayem naa ba yeghle é boan beba a yem Jehôva (Beéph. 6:4). Nfa ya vole bebyèñ, Ékôan Bengaa Jehôva da kulu abuiñ mebakh, bingengeng ya bya. Aval avé mi ne belane me naa mi vole é boan benan ?

• Daghane bivol bi ne a nden. JW.ORG a bele é biôm bisese bi kuleyang akal bitong, a lang été bingengeng ye bisèñ akal boan a. Naa mi yen bivol bité, ñinghlan éfiè « Boan » nge ki « Bitong » é vôm ba ñinghle nlô-adzô.

• Topghane minlô-medzô mia yiène y’é moan wônan. Nfa ô ne nlô-adzô naa « Boan », mi ne top bingengeng, bya ye bisèñ bi ne vole é moan wônan. Naa mi yen bie, ñinghlan bifiè « Nkôman ayeghle ya nda bôt. »

• Lôrghane tam y’é boan benan. Mi taa likh naa é boan benan be daghe bingengeng nge ki a dzale mefep bisèñ bité fave akal naa be taa mina ndaghle. Ndaane de, lôrghane tam ya be naa mi yemle élat deba ya Jehôva.