Déé se ki ébubu éyong ésese naa bi siman é mam bi yegheyang. Ve, é ne ébubu naa bi simane abuiñ ye é mam Yésu a nga yeghle bia, amu a mbe é bira belane bivaghle. Bi ne yen a nlô été é dzam Yésu a nga dzô, dzam té éde da vole bia a siman é dzam Yésu a nga yeghle bia. Aval dèè fe, ô ne siman abuiñ ye é mam wa yeghe, éyong wa dzeng naa wa vaghle mo nlô wiè été. Za aval évoo ô ne de bo ? A ne éyong wa vaghle mam meté nté wa yeghe.

É bôr ba bo bivaghle ye minféféñ mi-mam ba yeghe, be wula me tugha siman. Bivaghle ba bo, biaa vole ki be fave naa be tugha wokh bifiè, ve bia vole fe be naa, be siman é mam ba yeghe. Baa bo ki bivaghle bi ne édedèè ndzukh a vaghle, ve boan bivaghle bi ne ébubu a vaghle. É lerebaneyang naa, bivaghle bia dang fe vole é bôr be ntoo beñabôrô naa be siman é mam ba yeghe.

Éyong wa ye bera yeghe, tame vakh naa wa vaghle é mam mézing wa yeghe. Éyong ézing wa ye yaghan abim mam wa ye siman !