Éyong bia kôman akal ayeghe, bi ne sili bia bebién naa, ‘Za dzam ma yane ébe ayeghe dam ?’ Ve, bia yiène simane naa amben nge bi ne tem naa bia ye yeghe dzam ézing, daa yili ki naa, minféféñ mimam Jehôva a kômô bia yeghle mii se ki. Aval avé bi ne bèè é dzam Jehôva a dzeng naa a yeghle bia ?

Yaghlane naa ô bele fakh. Dzaaghe Jehôva naa a vole wa a yem é dzam a kômô naa ô yeghe éndagha (Jacq. 1:5). Ô taa sughu fave ébe é mam ô nga yemang (Mink. 3:5, 6).

Lighe naa é ngu’u Nzame é wulu éning duè. « Éfiè Nzame é ne tetèè » (Behéb. 4:12). Éde, éyong ésese bia lang Bible, bi ne yeghe nféféñ dzam é ne bia vole meval abuiñ bining bia. Ve, dzam té é ne boban fave nge bia yebe naa, bia yiène yeghe é dzam Jehôva a yeghle bia.

Vakh akiba akal é biôm bise Jehôva a belane bio naa a yeghle bia. Bidzi bi ya nsisim bièñ bi ne ane « bidzi bi fet bi ne zam » (Esaïe 25:6). Ô taa saalé naa wa lang minlô medzô wa tem naa waa ye ki dzing wa yeghe. Wa ye likh naa Nzame a vole wa a bo mbemba môr, ye naa, wa ye bira dzing é dzam wa yeghe !