Ye wa kômô tugha buan ayeghe Bible duè ? Mefekh ma zu ma me ne wô vole a bembe ébe é dzam wa yeghe éyong wa bo de :

• Topghe é mbemba vôm ô ne mvoa. Nge é ne boban, dzenghe é vôm ô ne mbemba nkôman ye bele abim éyèè da yiène naa ô tugha lang. Ô ne tobe a tebele ayô a nda été, nge ki a tobe mbemba vôm atan.

• Dzenghe é vôm ô ne tobe étam. Yésu a nga top naa a yaghlan « ékuna kikiri » é « vôm ô mbe kaa môt » (Marc 1:35). Nge é ne ndzukh naa ô yen é vôm ô ne étam, ô ne dzô bôr be ye é nda-bôr duè nge ki é bôr ba tobe ye wa naa wa ye bo ayeghe duè, ye dzaa be naa be taa wô ndaghle tam té.

• Bemeghe ôsiman ébe é dzam wa bo. Saaleye é mam me ne ve naa ô taa bembe ébe ayeghe duè. Nge wa belane teléfono nge ki tableta akal ayeghe Bible duè, vakh naa tam té minluèn nge ki bemensajes be taa ñii, naa be taa wô zaman ôsiman. Ye naa, nge wa simane naa wa yiène bo dzam ézing, tsilighe de vôm ézing naa ô bo de éyong wa ye man ayeghe Bible duè. Nge é ne wô dzukh naa ô bembe ébe é dzam wa bo, boghe naa wa sim ye wulu ôyôm tam nge ki a ke wa ñué ñuu.