A lang Jérémie 38:1-13 naa ô yen é dzam bifônane nkulu medzô Jérémie ye Ébed-Mélec éñi a mbe eunuco, bia yeghle wa nfa a bo ayokh.

A fas é mam me nga boban tam té. Amu dzé Jérémie a nga yiène bo ayokh naa a kanghle bôr é fuèñ Jehôva ? (Jér. 27:12-14 ; 28:15-17 ; 37:6-10). Za dzam bôr be nga bo éyong be nga wokh é dzam Jérémie a nga dzô be ? (Jér. 37:15, 16).

Boghe abuiñ mindzeng mife. Za dzam bôr be nga kômô naa Jérémie a bo ? (jr-S cap. 2 págs. 26-28 párrs 20-22 nge ki jr-F chap. 2 p. 27-28 § 20-22). Dzenghe naa ô yem aval be mbe bé belane bitam minligha, ye fe aval bi mbe bi yene ô mis metam ô mvus (it-S vol.1 págs. 489-490 nge ki it-F vol. 1 p. 483-484). Wa tem naa, Jérémie a nga wôrane za dzam éyong a mbe étam nligha té été, ye nté a mbe é ñii a mbuargha été ? Za dzam Ébed-Mélec a mbe ko wong ? w12-S 1/5 pág. 31 párrs. 2-3 nge ki w12-F 1/5 p. 31 § 2-3.

Dzenghe meyeghle ô ne ñong ye nlang té. Silighe wamièn naa :

• ‘Za ayeghle ma ñong nlang wi été nfa aval Jehôva a kame besôsôe bebo bisèñ bèñ ?’ (Bya 97:10 ; Jér. 39:15-18).

• ‘Bitéñ bivé bi ne bo éban naa me lere ayokh ?’

• ‘Aval avé me ne wône ayokh dam ya bo é dzam é ne sôsôe amben éyong bôr be tele ma é ngam ayat ?’ (w11-S 3/1 pág. 30 nge ki w11-F 3/1 p. 30) a.