Bia bese bi bele é tam bia bo ayeghe môt émièn. Aval avé bi ne yem tugha buane tam té ? Ôsusua, tughane ve éyong ébe é dzam mia lang. Nge mia ñong abuiñ tam naa mia yeghe avitsang mam, mina ye ñong abuiñ meyeghle a lôt éyong mia yeghe abuiñ mam nsama kaa tugha ñong meyeghle mese me ne été.

Ôsu vèè, topghan é dzam da dang éban (Beéph. 5:15, 16). Yenghane melepbgha ma :

• Langhane Bible éyong ése (Bya 1:2). Ntaane mam wèè ya lang Bible akal ésulan y’ézizang sono é ne mbemba atarga.

• Targhane kômane ayeghe Ô momo ye ésulan y’ézizang sono. Ye yem kômane naa mine ve éyalan—Bya 22:22.

• Éngôngoo vaane fe tam, naa mia kôman é mam mevoo me ya nsisim, ane bekalare mefuèñ, bingengeng, y’é mam mefe bia yen é nden wèè jw.org.

• Boghan ayeghe ébe é dzam é ne mina éban. Mi ne bo mindzeng akal é dzam da daghle mina, nfa nsili nge ki é dzam ézing mia kômô tugha yem a Bible été. Naa mi tugha yem mam mefe, daghan é vôm ô ne ntsilane naa, « Actividades para estudiar la Biblia nge ki Explore la Bible ! » a nden jw.org.