É NGOAN ôsua é too melu 18 ye mbu 2023, éde ngura aval fuèñ é nga kuiñ a jw.org, déé dzô naa bobedzang Gage Fleegle ye Jeffrey Winder be nga sèhang ane bobedzang be ya Tsîn Ékôan Bengaa Jehôva. Bobedzang bebèñ beté, be sèhaneyang Jehôva a sôsôe été ayap.

Besôsôe bebyèñ moadzang Fleegle be nga yale ñe nfa ouest ya Pennsylvania, Estados unidos. Éyong a mbe étong, be nga ke tobe ôyôm moan kisoan ézing ô mbe wéé yi avole. Ôyôm tam ôsu vèè, ane a nga duban é Ngoan awôm-a-bèè é too melu 20 ye mbu 1988.

Bebyèñ moadzang Fleegle be nga saghe ñe naa a bo ngura aval ésèñ Ékôan Jehôva été. Be mbe béé bira bane bedeghe bikôan ye Bebéthelite é nda dzeba, éde moadzang Fleegle a mbe yen nté mbé bobedzang ye bekal bèñ beté be mbe mevakh. Ôyôm tam niène a nga duban, ane a nga bo mpwaghe mefan é Ngoan ébuu é too alu 1 ye mbu 1989. Mimbu mibèñ ôsu vèè, ane a nga dzale nsonghan a mbe a bele a too mimbu 12, da yili naa, a ke sèñ ô Béthel. A nga sum sèñ ô Béthel ya Brooklyn é Ngoan awôm ye mbu 1991.

Ô Béthel, moadzang Fleegle a nga sèñ é vôm ba lat mebakh tang mimbu muom, a kôre ye vèè, ane be nga lôm ñe a Departamento akal ésèñ minkanghle. Nté sese té, a nga sèñ ékôan da kobe nkobe Russe tang ayôm mimbu. Mbu 2006,a nga lukh kal dzèè ba luè naa Nadia, ane a nga ke kuane ñe ô Béthel. Bebèñ be nga sèñ ékôan da kobe Portugais, ye naa, a lôt awôm mimbu, be nga sukh abeng minkanghle da kobe Paña. Niène a nga lôt abuiñ mimbu naa a sèñ a Departamento akal ésèñ minkanghle, ane be nga lôm ñe ane mbu-fekh akal ayeghle, ôsu vèè ane mbu-fekh akal ésèñ minkanghle. É Ngoan lal ye mbu 2022 ane be nga lôm ñe ane mvole ébe mbu-fekh akal ésèñ minkanghle ye Tsîn Ékôan.

 Moadzang Winder a nga vem a Murrieta, California, Estados unidos. Bebyèñ bèñ be nga yale ñe a bebela été, éde a nga duban é Ngoan lal é too melu 29 ye mbu 1986. Mengoan me nga zu ôsu vèè, a nga ñong nkighane naa a bo mpwaghe mefan étun éyong. A nga bira dzing ésèñ té, aval é nga ve ñe nkôman naa a kômô tsini ôsu. Niène a nga lôt ayôm mengoan ésèñ mpwaghe mefan étun éyong, ane a nga sum ésèñ mpwaghe mefan ébièñ é Ngoan awôm é too alu 1 ye mbu 1986.

Éyong a mbe étong, moadzang Winder a nga ke fep bobedzang bebèñ be too min’nôm be nga sèñ ô Béthel tam té. Dzam té é nga ve ñe nkômane naa a kômô bo ésèñ té éyong a ye bo ñamôrô. Éde, é Ngoan tan ye mbu 1990, ane be nga luè ñe naa a ke sèñ ô Béthel ya Wallkill.

Ô Béthel, moadzang Winder a nga sèñ abuiñ be departamento, a lang été, é Departamento akal nfuban, éñi a ne akal mefup ye fe oficina nge ki bureau ya Bethel. A nga lughane baa Angela mbu 1997, nté sese té ba ñe be nga sèñ ô Béthel ya Wallkill. Mbu 2014 be nga lôm be a Warwick, é vôm moadzang Winder a nga vole bisèñ melong bi ye tsîn étobgha. Mbu 2016, a Nda sikôlô Watchtower ya Patterson, é vôm moadzang Winder a nga ke sèñ Audio/Video. Niène mimbu minii mi nga lôt, ane be nga bera bulan a Warwick, wéñ, moadzang a nga sèñ ébe Mbu-fekh akal bebo bisèñ. É Ngoan lal ye mbu 2022 ane be nga tele ñe ane mvole ébe Mbu-fekh akal bebo bisèñ be ye Tsîn Ékôan.

Bia yaghlane Jehôva naa a borane « bedas befam » beté nté ba tsini naa ba sèñ ngu’u akal Édjié dèñ (Beéph. 4:8).