É BÔR BA YE TOBE Beñong bôr be ne vale naa ba vole mina. É ne mbeng naa mine tugha bèè besôsôe ba ye mina ve nfakh ya tele bemetua, a lere mina é vôm mina kômô ke, a baghle bito é bôr be ne nsama ye mina, ye mam mefe.

NDUBAN Nga ve ba dzô dzam afe, bito é bôr ba ye duban bi ne atum ôkuiñ ôsu. É bôr ba ye duban ba yiane zu tobe vale keghe naa ntun akal nduban ô sum kikiri é môs sono melu mesamane. Môr ase a ye duban a yiane so ye tawele ya meboat ma yiane.

BIVEVEE Naa ésesang di é bobam da sili abuiñ miang, akal é nda ésesang di é bele bito, biwala bingengeng, biwala minkobe ye biôm befe, mam meté mese me ne naa bi buane ésesang di ye mevakh ye yir Jehôva bebéñ mvoghe été. Bivevee bienan bia vole yaghan ase té ye sukh ésèñ minkanghle si ése ngura. Naa é bo mina ébubu, biwala akal bivevee bi ne ntelan vôm ase. Mi ne fe bo bivevee a nden a donate.pr418.com. Abim ése mina ve é ne éban. Tsîn ékôan da ve mina akiba akal fule anyep mina lere éyong mina ve bivevee bia sukh ésèñ y’Édjié.

AVOLE ÔSUA Baghlane naa avole té é ne v’akal nge dzam da bi wa a tem-tem.

É BIÔM BIA DZIMI É dzôm ése da dzimi ba yiane de ke likh ébe é bobedzang ba sèñ akal é biôm bi va dzimle. Ng’ô va dzimle dzôm ézing, keng de deghe e wéñ. É boan ba dzimi ba yiane be ke likh e wéñ. Ve, naa nlem ô taa bia kele ôyôp a zeze, éngongol é dzam da dang mbeng é ne naa mine deghe boan benan ye baghle be é vôm mine too.

BITO Éngongol simane fe é bôr bevokh. Yemghane naa, mi ne baghle bito ve akal bôr be y’é nda bôr denan, é bôr mina bebe mine va so nsama metua mboo, é bôr mina bebe mine too, nge ki é bôr mina bo ayeghle Bible. Éngongol mine taa bere biôm bito bivokh ayôp nge mina baghle ki byo akal môr ézing.

BEMEM Nge mina kômô vole bisèñ bia boban ésesang di, éngongol mi ne ke yen é bobedzang ba tiè mam akal bôr ba kômô ve mvolane.

Sikolo akal be bôm mbemba fuèñ ya édjié Nzame Bempwaghe mefan be bele mimbu 23 ye kuiñ 65 ba kômô n’nenne ésèñ minkanghle deba ba luè be ésulan mefuèñ ma deghe sikolo akal bekare fuèñ y’Édjié da ye boban e môs sono ngoghase. Ba ye mina kare mvôm y’awola ésulan té da ye boban.