AYEGHLE 52
Bitôp biè ya aval bia yene ô mis é ne édedèè éban
Kada môt a bele aval a dzing a boat ya kôm ñuu. Ve daa, nge bi béé a yôm melepgha Bible a ve nfa té, biaa ye ki fave boat aval bia bebién bia kômô, ve, bia ye fe ve Jehôva n’nem mbeng. Ntamane fas a yôm mam me ye été.
1. Za metsin metsing ma vole bia naa bi yem tôp aval bia ye boat ye aval bia ye kôm ñuu ?
Moan kristen « a yiène tôp bitô bia yiène, bi ne édzidzing, ya yem fas » a yiène fe yen nfuban aval da lere naa a ne « é môt a sèhane Nzame. » (1 Timothée 2:9, 10) Bi ne kulu metsin metsing menii bifus bi été : (1) Étôp dèè da yiène bo « étôp da yiène » nge ki édzidzing. Ayong Jehôva été bi ne yen abuiñ meval meboat, aval bi tèè de bikôan biè été, ve, bitôp biè ye aval bia kôm milô, bia lere naa bia kang é Nzame bia lughu. (2) A boat bitôp « bi ne édzidzing » da yili naa bi saalé meval meboat me ne ve naa é bôt ba yen biè be bele mesiman me ne kaa mvèñ, nge ki a ve naa bôt be dang bia yen. (3) Bia lere naa bia « yem fas » éyong biaa tong ki meboat me ye émo di metam mèè. (4) Aval bia yen ô mis, da yiène lere tam asese naa bia « kang Nzame », amu naa aval té éde é bôt bevoo ba ye yen naa bia sèhane faa é Nzame a ne bebela.—1 Becorinthien 10:31.
2. Aval avé ane bia yene ô mis é ne name bekristen bevoo ?
É ne été naa bia bebién bi ne top é dzôm bia kômô boat, ve daa, bia yiène tem aval meboat mèè me ne tobe é bôt bevoo a n’nem été. Bia bo é dzam ésese bi ne bo nfa ye naa bi taa bo môt sôm ye é biôm bia boat, bia kômô bo naa kada môt ye bi ne a ve « é môt mboo n’nem mbeng, éé ve fe naa a yem vem a nsisim été. »—A lang Beromain 15:1, 2.
3. Aval avé ane bia yene ô mis é ne vole é bôt bevoo, ye naa be yem bebela ?
Bia dzeng naa bi belan étôp da yiène éyong ésese, ve bia bera bo nkee ya é dzôm bia boat éyong bia ke bikôan ya fe éyong bia ke minkanghle. Biaa kômô ki naa aval bia yene ô mis, é ve naa bôt be yen é fuèñ bia wulu de abé. Ve, bia kômô naa aval bia boat é bo naa bôt be yen bebela mbeng, ya « kômô yem meyeghle Nzame. »—Tite 2:10.
A TUGHA FAS
N’tamane yen aval bi ne ve naa aval bia boat ya yene ô mis é tugha lere naa bi ne bekristen.
Aval bia yene ô mis é ne lere nge bia kang é bôt be bele édjié, amben Jehôva a yen é dzam é ne bia a n’nem été, aval bia yene ô mis da yiène fe lere naa bia kang ñe
4. Éyong bia yene mvèñ ô mis da lere naa bia kang Jehôva
Za dzam da dang bia tsini naa bi bo nkee ya aval bia yene ô mis ? A lang Bya 47:2, éyong té mia lèè minlang mia daghe minsili mia zu mi :
-
Bia yem naa bia kang Jehôva, éde, aval avé dzam té é ne bia name éyong bia top bitôp bia boat ?
-
Ye wa tem naa é ne sôsôe naa bi bo nkee ya aval bia boat ya kôm ñuu éyong bia ke bikôan ye minkanghle ? Amu dzé wa tem de ?
5. Aval avé bi ne yem top bitôp bia boat ya fe aval bia kôm ñuu ?
Se ki abim bi va kus étôp éde da dang éban, é dzam da dang éban é ne naa étôp é tobe nfuban, ye naa é yiène fe ya ésèñ bia bo. A lang 1 Becorinthien 10:24 ya 1 Timothée 2:9, 10. Éyong té kobeghan amu dzé bii se ki belane étôp . . .
-
da dang yene zeze ya abé ô mis.
-
da dang bia yem ñuu, ya lere minfa miñuu miè baa yiène ki yen.
Amben bia bekristen bii se ki fe atsing Moises asi, ve, atsing té da bo naa bi yem é dzam Jehôva a tem nfa adzô té. A lang Deutéronome 22:5, éyong té mia lèè minlang mia daghe nsili wa zu wi :
-
Amu dzé déé se mvèñ naa bi boat ya kôm ñuu aval da bo naa fam é fônane minenga, minenga ña é fônane fam ?
A lang 1 Becorinthien 10:32, 33 ya 1 Jean 2: 15, 16, éyong té mia lèè minlang mia daghe minsili mia zu mi :
-
Nge aval bia yene ô mis da bo bôt be ye ékôan, ya bôt be ye é vôm bito som, ye bia yiène de bis ? Amu dzé ?
-
Za aval meboat ya nkôman ñuu ô ne mvèñ é vôm mi too ?
-
Ye wa tem naa éñe moan kristen a yiène boat aval té ? Amu dzé wa tem do ?
Bi ne boat ya kôm meñuu mèè abuiñ meval, aval da ve Jehôva n’nem mbeng
NGE MÔR ÉZING A DZÔ WÔ NAA : « Me ne boat aval ma kômô. »
-
Ye wa ye yebe ôsiman té ? Amu dzé ?
AKIGHE BES
Éyong bia yem top bitô bia boat ye fe aval bia kôm ñuu, bia lere naa bia kang Jehôva, bia kang fe ébôt bevoo.
Ôbaghle
-
Amu dzé aval bia boat ya kôm ñuu é ne éban asu Jehôva ?
-
Metsin metsing mevé me ne bia vole éyong bia kômô yem kôm ñuu ?
-
Ye aval bia yene ô mis é ne nam aval bôt ba yen ékang é ne bebela ?
Ô NE FE KE DAGHE
Tam fas aval mesiman é bôt bevoo béé bele éyong béé yen aval wa boat.
« ¿Qué imagen doy? » nge ki « Que révèle ma façon de m’habiller ? » (Nlô-adzô té ô ne a nden)
Yeneghe amu dzé bia yiène tugha tem kaa naa bi yebe naa bia bo tatuaje nge ki tatouage.
« ¿Hay algo de malo en hacerse tatuajes? » nge ki « Tatouages : qu’en dit la Bible ? » (Nlô-adzô té ô ne a nden)
Ye mi ne yem metsin metsing me ne bia vole naa bi yem ñong mbemba minkighan ?
« ¿Da gloria a Dios nuestra forma de vestir? » nge ki « Ton habillement honore-t-il Dieu ? » (La Atalaya, septiembre de 2016 ; La Tour de Garde, septembre 2016)
Aval avé minenga ézing a nga yebe ôsiman ye naa é bôt bevoo be ne tôp aval ba kômô boat ?
« El arreglo personal era mi piedra de tropiezo » nge ki « Je croyais que la coquetterie était condamnable » (¡Despertad!, 22 de diciembre de 2003 ; Réveillez-vous !, 22 décembre 2003)
