Éyong bi ne ya é bobodzang bèè, bia wôran aval kéza David a nga wôran éyong a nga dzô naa : « Daghane, é ne mbeng ya mbemba dzam naa bobedzang ba tobe mvôm mboo élat été ! » (Bya 133:1) Élat dèè é ne ngu’u, amu bia besese bia sèñ ngu’u naa bi taa de dzimlé.

1. Za mam bi ne kam ébe ayong Nzame ?

Nge ô ke fep ékôan dèè si fe, é ne bo naa waa ye ki wokh nkobe ba kobe, ve wa ye wôran ane ô ne a nda duè. Amu dzé ? Amu naa wa ye yen ane Bengaa Jehôva ba yeghe Bible ya mebakh mevoo-mevoo. Ya fe naa bia ve fe mengu’u naa bi lere édzing bevoo ya éba bevoo. A ne bo é vôm sese bi too, bia besese bia kômô « lughu éyôla Jehôva ya kang ñe élat été. »—Sophonie 3:9, atoan é ne asi.

2. Ô ne bo ya naa ô ve naa élat ébo ékôan été ?

« Dzinghane bevoo ya éba bevoo ya n’nem ôsese. » (1 Pierre 1:22) Aval avé ô ne béé melepgha meté ? Ndaane naa mia daghe bivus é bôt bevoo, daghe é mbemba mefulu meba. Ô taa tobe fave ya é bôt mia be-bo mia bo mam aval daa, dzenghe fe naa ô tugha yem bôt be ye meyong mefe. Ya fe naa, dzenghe meval mesese naa ô véé ôbangham sese ô ne wô bo a n’nem été.—A lang 1 Pierre 2:17. a

3. Za dzam ô ne bo éyong ô bele mintiè ya é moan kristen mboo ?

É ne été naa bi ne élat, ve, be ne be-bo minsem. Biyong bizing bi ne ve é môt mboo naa a wokh n’nem abé nge ki a dzughane bevoo ya éba bevoo. Éde kalare Nzame a dzô bia naa « tsineghane naa [. . .] mia djii bevoo ya éba bevoo », a bera koghle naa : « Aval ane Jehôva a nga dzame mina ya n’nem ôsese, aval daa fe mina boghan. » (A lang Becolossien 3:13.) Abuiñ biyong bia dzughu Jehôva, ve a dzame bia. Ya dzam té éde a yane naa, bia fe bi dzame bobedzang ya bekal bèè éyong be bo bia é dzam é ne abé. Nge ô yen naa ô va dzughu môt, dzenghe naa ô bera kôm mam mia ñe.—A lang Matthieu 5:23, 24. b

 A TUGHA FAS

4. Danghe fulu ôbangham

Bia kômô lere édzing ébé bobedzang bèè besese. Ve, é ne bia bo ndzukh naa bi yebe bevoo b’ézing, éfônan, a ne bo ane é bôt béé se ki ane bia. Dzé é ne bia vole ? A lang Bisè mintôl 10:34, 35, éyong té mia lèè minlang mia daghe minsili mia zu mi :

• Jehôva a yebe bôt be ye meyong mesese nfa ye naa be bo Bengaa bèñ. Ya dzam té, aval avé wa yiène yen bôt be ye meyong mefe ?

• É vôm ô too za mefulu me ôbangham me ne naa wa kômô mare ?

A lang 2 Becorinthien 6:11-13, éyong té mia lèè minlang mia daghe nsili wa zu wi :

• Ô ne bo yè naa ô bira dang dzing bobedzang ya bekal bèè besese ?

5. Djiighe ya n’nem ôsese ya kôm mam

Amben Jehôva aa ye ki bo é dzam da ve naa bi djii ñe môs ézing, ve, a ye tsini naa a djii bia ya n’nem ôsese. A lang Bya 86:5, éyong té mia lèè minlang mia daghe minsili mia zu mi :

• Éfus té da yeghle bia za dzam ya aval Jehôva a djii bia ?

• Ye ô ne mevakh amu naa Jehôva a djii bia ? Amu dzé ?

• Mam mevé me ne ve naa bi taa wôghane ya é bôt bevoo ?

Bi ne bo yè naa bi vu Jehôva nfa ye naa bi tobe élat ya bobedzang ya bekal bèè ? A lang Minkana 19:11, éyong té mia lèè minlang mia daghe nsili wa zu wi :

• Éyong môt a bo bia é dzam da ve bia naa bi wokh n’nem mintèñ, bi ne bo yè nfa ye naa bi kôm adzô té ?

 Biyong bizing é ne bo naa bia bi va dzughu é môt mboo. Nge dzam té é boban, bia yiène bo yè ? Daghane ÉNGENGENG, éyong té mia lèè minlang mia daghe nsili wa zu wi :

• Éngengeng di été, za dzam kal dzèè a va bo nfa ye naa a bera tuè mvoa ?

 AKIGHE BES

Nge ô djii bobeñong ya lere besese édzing, wa ye likh naa mvoa é bo ékôan été.

Ôbaghle

• Aval avé ô ne dang fulu ôbangham ?

• Wa ye bo yè éyong wa ye bele mintié ya é moan kristen mboo ?

• Ye ô ne dzing wa djii é bôt bevoo aval Jehôva a bo do ?