« Wumeghane Jehôva, mina bangel béñ bese, mi ne ngul abuiñ. »​—Bya 103:20

Za mam bia yeme ebe bangel ?

• Job 38:4-7

  Jehôva a nga tare kôm bangel keghe naa a vele si.

• Melere 5:11

  Bangel be ne bizu’u bizuk.

• 1 Pierre 1:11, 12

  Bangel ba nyeghe ba waa mis meba ebe é mam Jehôva a bo akal si.

• Luc 15:10

  Bangel ba ñong bebo bisèñ Jehôva ngap.

« Angel Jehôva a burbe é bôr ba ko nye wong a yô, ve ki kôre be. »​—Bya 34:7

Aval avé bia yem naa bangel be ne vole bôr ?

• Atarga 19:15, 16 ; Daniel 6:22 ; Luc 22:43 ; Bisè mintôl 12:6-11

  Bangel be nga zu vole Lot, Daniel, Yésu, ya Pierre.

• Behébreu 1:​7, 14

  Jehôva a belane bangel bèñ melu ma naa be vole ye baghle bebo bisèñ bèñ be ne si.

« E bo naa Satan a bo keghe bia dang a yô, amu bia dzimi ki mesiman mèñ. »​—2 Becorinthien 2:11

Mimbimbiè minsisim mi ne beza, ve amu dzé ba dzeng naa be bo bia abé ?

• Melere 12:9

  Angel mbokh a nga biane Jehôva, é nye ba luè naa Satan.

• Atarga 6:2

  Melu Noé, bangel b’ézing be nga lere é byane ve sighle si.

• Matthieu 9:34

  Bangel bete be nga tông Satan ve sughlane mimbimbiè minsisim.

• Deutéronome 18:10, 11

  mimbimbiè minsisim ba dzeng aval be ne dukh bôr éyong ése  ye bo be abé.

« Lumane Deble, a ye ke we ôyap. »​—Jacques 4:7

Aval avé Jehôva a ne we vole naa ô lumane Satan ya mimbimbiè minsisim ?

• Bisè mintôl 19:19

  Waaghe é mam mese me larane ye mimbimbiè minsisim, mbo magie, nge ki é mam m’ézing ma lôr bia ôsiman ma yene ane me ne mbeng.

• Beéphésien 6:16, 18

  Wôneghe mebun mwiè éyong wa yeghe Bible, yeghlane Nzame ndamben a ye we baghle.

• Minkana 18:10

  A belane éyôla Nzame, Jehôva.