« É ne ôyap naa nya Nzame a bo é dzam é ne abé, naa é nye a ne ngul ése a bo mbiè dzam ! »​—Job 34:10

Amu dzé émo é ne ndzalane ya minzukh ?

• 1 Jean 5:19

  Ndjiè ya émo é nye a ne Satan nge Deble.

• Ecclésiaste 8:9

  Boan be bôr ba so é bôr bevokh minzukh.

• Ecclésiaste 9:11

  Bôr ba tôbane minzukh biyong b’izing, amu be tele é mbia vôm mbia éyong.

• 1 Pierre 5:7

  Jehôva a bira nyeghe bôr. A vini naa be tôbane minzukh.

« Nzame a yem naa [. . .] é mis menan ma ye kuleban, vale mina ye bo ane Nzame, a yem mbeng ye abé. »​—Atarga 3:5

Amu dzé Jehôva a dze ki byane nkanane bindang Satan ?

• Atarga 3:2-5

  Satan a boghle Nzame naa a ne mbimbia ndjiè. Satan a nga kômô naa, bôr be ñong bebyèn besôsôe be ne mbeng nge abé keghe sili Nzame.

• Job 38:7

  Satan a nga song Jehôva ézezang bizuk bangel.

« Se ki môr a binam émyén é nye a yiane top aval a wule. »​—Jérémie 10:23

Amu dzé bôr be tôbane ya minzukh ayap ?

• Esaïe 55:9

  Bôr be tele-yang bidjié meval meval, ve édjié ézing ya été ése yem djié keghe avôle Nzame.

• 2 Pierre 3:9, 10

  Jehôva a ne édedaa ôdzibi. A nga likh bôr abuiñ éyong naa be yeghe medzô mèñ, ndamben be yem naa é nye étam a ne ndjiè wo.

• 1 Jean 3:8

  Jehôva a ye belane Yésu naa a mane vaa mbia be mam mese Satan a nga bo.

« A moan wom, boghe fekh, [. . .] a bo naa me yalane é môr a song ma. »​—Minkana 27:11

Amu dzé Jehôva aa yemle ki bia naa bi bo nye ésèñ nge ki a kang nye ?

• Minkana 30:24

  Betsit ba bo mam keghe fas, ve Jehôva a nga ve bia fili ya ñong besôsôe. Bia bebyèn bi ne top naa bia bo nye ésèñ nge ki keghe bo.

• Matthieu 22:37, 38

  Jehôva a kômô naa bi kang nye amu bia nyeghe nye.