« Wôghane ma, éyong té ma ye tobe é Nzame wenan, mina ki, mina ye sughlane ayong dam. »​—Jérémie 7:23

Ye ô ne tobe angom Nzame ?

• Atarga 22:18 ; Jacques 2:23

  Abraham a nga sughlane angom Jehôva amu a nga bèè ye bune nye.

• 2 Milang 16:9

  Jehôva a ye vole é bôr ba wôkh nye.

• Bya 25:14 ; 32:8

  Jehôva a ve mengom mèñ nkyel.

• Bya 55:22

  Jehôva a ye kam mengom mèñ.

« Ebe mam meté mese, Job a dze ki bo abé nge ki a boghle Nzame ékop ézing. »​—Job 1:22

Aval avé Satan a nga tsibele Job, éde Job a nga bo ya ?

• Job 1:10, 11

  Satan a nga dzô naa, Job a nyeghe Jehôva akal é mam a nga bo nye.

• Job 1:12-19 ; 2:7

  Jehôva a nga likh naa Satan a tsibele Job, ve mane dule é biôm bise a nga bele, asughlane ya été Satan a nga lum Job môra ôkoan.

• Job 27:5

  Job a mbe keghe yem amu dzé a tôbane abuiñ minzukh, ve a nga ke ôsu a tobe sôsôe a su Nzame.

« É dzôm ése môr a bele a ye de ve ébân akal éning dzèñ. »​—Job 2:4

Aval avé Satan a dzeng naa a birane élat é ne é zang bia be Jehôva ?

• 2 Becorinthien 11:14

  Satan a dzeng naa bi bo Jehôva melo.

• Minkana 24:10

  A dzeng naa bi simane naa bi se ki aval bôr ba yiane kang Jehôva.

• 1 Pierre 5:8

  Satan a tsibele bia.

• Minkana 27:11

  Topghe naa wa bo Jehôva mewôkh, wuleghe sôsôe, ndamben ô tobe mbemba angom dèñ. Ebe mimboan mité wa ye lere naa Satan a ne minal.

« Ényeghe Nzame é ne naa, bi baghle metsing mèñ. »​—1 Jean 5:3

Aval avé ô ne tobe angom Nzame ?

• Deutéronome 6:5

  Lereghe Nzame ényeghe, da ye wô ve naa ô wôkh nye.

• Esaïe 48:17, 18

  Nté ôse wa wôkh Jehôva, wa ye ñong biboran.

• Deutéronome 30:11-14

  Beleghe mebun naa Jehôva a se ki wô sili é mam me ne nzukh.

• Bephilippien 4:13

  Boghe é mam me ne sôsôe, éyong té Jehôva a ye wô ve ngul ô ne de ashèñ.