« Mbéñ ô ne fanefane ya é zen é ne atokh, da ke bôr éning, ve abim bôr ébe ba yen we. »​—Matthieu 7:14

Aval avé bi ne yem naa Nzame a yebe ki min’yebe mise ?

• Matthieu 7:21-23

  Nzame a yebe ki min’yebe mise, amu min’yebe mise mia bo ki nkôman Nzame.

• Matthieu 7:13, 14

  Nya ékang a kule bôr éning é ne mbèmbèè. Évus n’yebe da kule bôr a wu.

• Matthieu 7:16, 17

  Ô ne yem benya bekang Nzame ya mimboan mieba. Ô se ashèñ naa ô mane yeghe min’yebe mise. Yeghe foghe ve é mam kalare Nzame a dzô.

• 1 Bethessalonicien 2:13 ; 2 Timothée 3:16, 17

  Buneghe ya yeghle foghe ve é mam Bible a dzô.

• Matthieu 4:10 ; Jean 17:6

  Kanghe Jehôva belane éyôla dzèñ.

• Jean 13:35

  Nyeghe é bôr bevokh.

• Jean 3:36 ; Bisè mintôl 4:12

  Boghe Yésu mewôkh. Amu é nye a ne é môr Nzame a nga top naa a kôre bia.

• Jean 18:36 ; Bisè mintôl 5:29

  Ô taghe ñong ngap ebe mam me politik.

• Matthieu 24:14 ; 6:10

  Yeghle bôr naa Édjié Nzame é dzé étam da zu vaa minzukh mia.

Nge wa kômô naa Nzame a yebe ékang dwiè, za mam ô ne bô ?

• Jacques 2:19

  Mbunan ô bele ebe Nzame ô se ki sugha dzam. Wa yiane dzeng naa ô bo é mam Bible a dzô.

• Esaïe 52:11 ; Melere 17:5

  Bivus min’yebe, ba luè naa « Babylone nnen, » mia yeghle bôr minal. Keghe kômô bo aval Nzame a yebe. Bivus min’yebe mite mia yeghle naa Nzame mbôkh a ne bôr belal, ba yeghle fe naa dzôm ézing da ke ôsu a ning éyong ôwu-yang, nge ki naa bôr ba dzikh ébé nduan éyong ése.

• Melere 18:4, 8

  Jehôva aa beme mane dzaa bivus min’yebe. Wa yiane vaa é mam mese me tsii ye évus ékang.

• Marc 10:28-30

  Bôr be ne dzeng naa be lumane wa, ve Jehôva a ye ki we likh étam mos ézing.