« Akal te, kôreghane ézezang deba, kanghane be, [. . .] mine taghe bera name é biôm bi ne mvin. »​—2 Becorinthien 6:17

Amu dzé a kang biyema y’a wume bewu é ne abé ?

• Akôre 20:4, 5 ; 1 Jean 5:21

  Jehôva a vini naa bi belane biyema éyong bia wume nye.

• Deutéronome 18:10-12

  É bôr ba kobe ye bewu ba kobe ye mimbibia minsisim.

« Kenghane ôsu ya fas é mam ma dang éban é mis Nti. »​—Beéphésien 5:10

Naa mine ñong ngap ebe fet ézing, za mam me ne mina vole ?

• Ézéchiel 44:23 ; 2 Becorinthien 6:14, 15

  Deghe nge mefet meté me bele mam m’ézing me ya évus n’yebe.

• Akôre 32:2-10

  Afiang bo naa é bôr ba kôme mefet meté be ne bele mbemba mesiman, ve Nzame a yebe ki mam m’ézing me ya été.

• Daniel 3:1-27

  Saghlane mefet ma wumele boan be bôr, ma wumele bikôan bi bôr, ma wumele mesi nge ki meyong.

• 1 Timothée 1:18, 19

  Beleghane mbemba mesiman, ve ki baghle é dzidzi wiè keghe ékop a su Jehôva.

« Medzô menan me tobghe medzô me mvôm éyong ése, ker ane nku, mben mi yem ane mi ne yalane môr ase. »​—Becolossien 4:6

Aval avé mina yiane yalane é bôr ba sili mina minsili mia deghe mimbunan minan ?

• Matthieu 7:12

  Kanghane besôsôe é bôr bevokh nté mbokh mina kômô naa be kang besôsôe benan.

• 2 Timothée 2:24

  Lereghane ényeghe éyong ése, keghe bo bidzaa ya é bôr bevokh akal mimbunan minan.

• 1 Pierre 3:15

  Kameghane mimbunan minan évuvwén été ye éseme.

• Behébreu 10:24, 25

  Bisulan bia, Bengaa Jehôva bevokh ba ye bia ve ngul nyôl, ya mesiman me ne ve naa bi kamane mimbunan mia.