« Deghe ! Étam menzim, dzé da kam me naa me ñong baptem ? »​—Bisè mintôl 8:36

Amu dzé ye aval avé wa yiane ñong baptem ?

Baptem da lera naa ô dzame-yang nnôm éning ve ki kîkh naa wa zu bo nkôman Nzame.

• Matthieu 28:19, 20

  Wa yiane tare ñong baptem nge wa kômô bo mbo ésèñ Jehôva.

• Bya 40:8

  Baptem da lere é bôr bevokh naa wa kômô bo mbo ésèñ Nzame.

• Matthieu 3:16

  Wa yiane likh naa é nyôl djiè ése é mane nyang mendzim, aval ane é nyôl Yésu é nga nyang.

« Ényeghe Nzame é ne naa, bi baghle metsing mèñ, metsing mèñ meté me se ki adzit. »​—1 Jean 5:3

Wa yiane ki ko wông naa ô ve Jehôva éning dwiè. Amu dzé ?

• Bya 103:14 ; Esaïe 41:10

  É se ashèñ naa ô tare bo sôsôe ne tsing nge wa kômô ve Jehôva éning dwiè. É mièn a ye we vole bo é mam me ne mbeng.

• Becolossien 1:10

  Ényeghe ô bele ye Jehôva é ne we vole a dang é wông wa ko naa ô dukh nye.

« A bo nkôman wiè, é Nzame wôm, ma yen de n’nem mbeng, metsing mwiè me ne é dzidzi wam été. »​—Bya 40:8

Beza mam wa yiane bo éyong wa kômô ve Jehôva éning dwiè ?

• Jean 17:3

  YEGHE MEDZÔ ME NZAME

  Yeghe naa ô yem Jehôva ba Yésu Christ. Nté ôse wa ye yeghe é mam ma deghe be, nté te fe wa ye be nyeghe.

• Behébreu 11:6

  WÔNEGHE MBUNAN WIÈ

  Neneghe mebun mwiè ebe mengakh Nzame ya ebe metunegha Yésu, ma kôre bia nsem ye awu.

• Bisè mintôl 3:19

  DZÔBANE

  A dzôbane da yili naa wa wôkh minsem mise ô nga bo mintèn n’nem.

  KONGHELANE N’NEM

  Nkonghelane n’nem wa yili naa wa dzame minsem mise ô nga bo ve ki tsine naa wa zu bo mbemba be mam.

• 1 Pierre 4:2

  VAKH ÉNING DWIÈ

  A ve Jehôva éning dwiè a ne éyong wa bo nye ngakh meyeghlane naa wa ye kang ve nye étam, nkôman wèñ ô ne é dzam wa ye tele ôsu éning dwiè.