« Besôsôe be bôr é be ba ye lighe si, ve ki ning été mbèmbèè. »​—Bya 37:29

Za ngakh Nzame a bele akal boan be bôr ?

• Atarga 1:28

  A nga kômô naa menda me bôr me bo si paradis ye baghle betsit.

• Esaïe 46:9-11 ; 55:11

  A ye dzale é dzam a nga ngakh, dzôm ézing e se nye tele.

« Si ése ngura é ne édjiè deble. »​—1 Jean 5:19

É si bi to’o ñi, za ne ne ndjié ?

• Jean 12:31

  Yésu a nga luè Satan naa « ndjié y’émo. »

• Jacques 1:13-15

  Satan a nga kômô ñong é dzôm ebe édi Nzame étam.

• Atarga 2:17 ; 3:1-6

  Satan a nga dukh Ève. Adam ba Ève be nga biane Nzame, asughlane y’été, ane be nga wu.

• Beromain 3:23 ; 5:12

  Bia wu amu Adam a nga kôô bia nsem.

• 2 Becorinthien 4:3, 4

  Satan a dukh bôr.

« Édjié dwiè é zakh, nkômane wiè ô bobane [. . .] a si. »​—Matthieu 6:10

Za dzam Jehôva a ye bo ?

• Daniel 2:44

  Édjié dzèñ da ye mane va bidjié bi ya émo.

• Melere 16:14-16

  Alumane ya Armaguédon, Nzame a ye mane dzaa mbimbia émo.

• Esaïe 9:6, 7

  A nga fèè Yésu naa a tobe Ndjié ya Édjiè ya yôp. Yésu a ye djié si.

« Wa kule é wo wuè, ve dzale mekomgha é dzôm ése é ta. »​—Bya 145:16

Za mam Édjié Nzame da ye bo bia ?

• Bya 46:9

  Melumane, mewuiñ me bôr, ye élang ma ye mane.

• Esaïe 32:18 ; 65:21-24

  Môr ase a ye bele mbemba nda, mbemba afup, bôr ba ye ning a mvoghe été.

• Bya 72:16

  Bidzi bia ye bo énenemane abuiñ.

• Esaïe 11:6-9

  Mvoghe da ye bo ézang boan be bôr ye betsit.

• Esaie 33:24 ; Bisè mintôl 24:15

  Môr a ye ki bera koan, bewu ba ye bera ning.