« Bewu baa yem ki dzam ézing. »​—Ecclésiaste 9:5

Za dzam da lôr éyong ô wu-hang ?

• Bya 146:3, 4 ; Ecclésiaste 9:6, 10

  Éyong môr a wu, a yen fe, a wôkh fe, a simane fe.

• Jean 11:11-14

  Yésu a nga dzô naa awu é ne ane ôyo.

« Ve élé ya yem mbeng ye abé, ô taghe de dzi, akal é môs wa ye de dzi, wa ye wu. »​—Atarga 2:17

Akal dzé bia wu ?

• Atarga 3:1-6

  Satan a nga dukh Eve ebe édzam a ye sughlane nge  a bo Nzame melo. Éyong Adam ba Eve be nga bo Jehôva melo, be nga bo nsem, a ne ki be nga wu.

• Atarga 3:19

  Adam a nga wu, a ne éning dzèñ é nga sim.

• Beromain 5:12

  Nsem ô ne ane mbimbia ôkoan Adam ba Eve be nga kôô bia. Bia bese bia biale nsem nyôl, é wo wa ve naa bi wu.

• 1 Becorinthien 15:26

  Bible a luè awu naa nsîng nnen.

« Nge môr a wu, ye a ne bera ning ? [. . .] Ma ye yane a ke kuiñ ma ye tebe. »​—Job 14:14

Amu dzé bi ne dzô naa : a yem bebela y’ awu da kôre bia ?

• 1 Jean 4:8

  Ayeghle ya ébé nduan da ta Nzame. Jehôva a se ki likh naa môr a wôkh mintèñ aval te.

• Melere 4:11

  Abuiñ bôr ba koo bewu wông, dzam te da ve naa be wume be a lôr Jehôva. Ve Jehôva é nye a ne nya Nzame étam bia yiane kang.