1. Ényeghe Nzame da tobe mbèmbè
1 NZAME A NYEGHE MINA
« Tobghane ényeghe Nzame été [. . .] mii simane éning é ne mbèmbè da zu. »—Jude 21
Dzé da lere mina naa Nzame a nyeghe mina ?
-
Jean 3:16 ; 1 Jean 4:8-10 ; Melere 4:11
Jehôva a nga vele dzam ase a si va aval da ve naa bi yem buane éning. Niane Adam ba Ève be nga bo nsem, ôsiman Nzame wé dze ki sanghlé. A nga ve éning é moan wéñ ane ntang naa boan be-bôt be bera bele éning é ne mbèmbè.
-
Naa a vole bia ému, Jehôva a nga ve bia Kalare Nzame, nsisim wéñ ye é das é ne meyeghlan. Éyong bia yeghlane nye, a bèè bia.
2 A BO JEHÔVA MEWOKH DA SO BIBORAN
« Me ne Jehôva, é Nzame wiè, é môr a yeghle wa naa ô ñong nfî. »—Esaïe 48:17
Za biboran mina ye ñong nge mine bo Jehôva mewokh ?
-
Jehôva a yen é ngul bia ve naa bi bo nye mewokh. Mewokh me ne ve naa éning dwiè é bo mbeng ému, ye fe naa ô buini éning é ne mbèmbè melu ma zu.
3 MI NE LERE JEHÔVA NAA MINA NYEGHE NYE
« A nyeghe Nzame é ne naa bi baghlé metsing méñ. »—1 Jean 5:3
Ye bi ne bo Nzame mewokh ?
-
Deutéronome 30:11 ; Bya 103:14
Jehôva a yem naa bi ne be-bo minsem. É se ki bia sili é dzam bii se ki bo.
-
Minkana 27:11 ; Beromain 7:21-25
Ényeghe dè akal Jehôva da ve bia ngul ya bo nye mewokh éyong bia tubane minzukh.
-
Minkana 6:16-19 ; Beéphésien 5:17
Metsin metsing me y’a Kalare Nzame ma yeghle bia mesiman Nzame. Metsin metsing meté me ne sanghle aval bia siman ye wône ényeghe dè akal Jehôva. Ma vole bia a yem é dzam bia yiane bo éyong Kalare Nzame a ve ki bia ngura atsing.
