10. Alukh—É das da so ébe Nzame
1 ALUKH É NE ÉBORAN DA SO ÉBE JEHÔVA
« Minkol milal mia larane, mi se ki dzigha téé. »—Ecclésiaste 4:12
Amu dzé bôr ba lughane ?
-
Atarga 2:18 ; Bya 127:3 ; Minkana 5:18 ; Ecclésiaste 4:9, 10
Alukh da ve naa bôr be larane y’é môr a ye tobe ye be, ényi a ye be sukh a si, da kôm fe é mbemba vôm boan be ne yem vem.
2 A BO NKYEL ÉYONG WA TOP É MÔR WA YE LUKH
« Ma ye [. . .] wo lere é zen wa yiane béé. »—Bya 32:8
Nge bia kômô lughane, za mam bia yiane tare yem ?
-
1 Becorinthien 7:39 ; 2 Becorinthien 6:14
É ne mbeng naa bi lughane foghe ve y’é môr a tele nkôman Jehôva ôsu éning dzéñ.
-
Bitong bi-bôr be wôle lôr biyong évéé y’a ke binong é ne édedaa ngul. Da dang mbeng naa bi lughane éyong biyong bité bi mane-hang lôr.
-
A yen alukh aval é ne. Melukh mese ma tubane minzukh.
3 BEYÔM YE BEYA BÉ BELE KI AYEM DAA A NDA-BÔR ÉTÉ
« Dé se ki mbeng naa fam é bera tobe étam. Ma zu nye kôm mvole a yiane nye. »—Atarga 2:18
Jehôva a kômô naa beyôm ye beyal be bo dzé ?
-
Beéphésien 5:23 ; 1 Timothée 3:1-7 ; 5:8
N’nôm énye a tele ôsu nfakh ye ayeghle y’é nda-bôr dzèñ, énye fe a dzeng naa a dzale mekômgha me ye nsôn, ye dzeng naa ngal ye boan bèñ be bo mvoghe. Énye fe ane nlô nfakh ye a ve é boan bèñ ayeghlé ye metsing.
-
Minkana 31:10-31 ; Beromain 7:2
Minenga a ne mbemba angom y’é môr a tele n’nôm afeng. A sukh é mam a kikh a si ye kôme nda. A vole n’nôm a yeghlé é boan beba.
-
Beéphésien 5:33 ; Bephilippien 2:4
N’nom ba ngal ba yiane tele é mvom é môr mboo ôsu.
4 JEHÔVA A NE MINA VOLE NAA ALUKH DENAN É BEM
« Mina ye tobe môr mboo. »—Atarga 2:24
Aval avé mine bele alukh é ne ngul ?
-
Minkana 3:5, 6 ; Matthieu 19:6
Jehôva a kômô naa alukh é tobe mbèmbè. A ve bia mbemba melepgha nfakh y’alukh.
-
É bôr be ne nlughane ba yiane zôme bivus bebién-bebién. Ba yiane djuiène ye daghe é mbemba mefulu é môr mboo.