11. Niène môs ésesang alughan ô lôr-hang
1 ALUKH DENAN É NE VE JEHÔVA DUMA
« Ényeghe da ye ki dzeng. »—1 Becorinthien 13:8
Dzé é ne bia vole a kôm mintiè alukh été ?
-
Ecclésiaste 5:4 ; Matthieu 19:4-6
Melukh mese me bele é mam ma yiane dang ayôp. Ve mine ta’a dzigha sili mô ôsi.
-
Bya 25:4 ; Esaïe 48:17, 18 ; Matthieu 6:33, 34
Éyong ngal ba n’nôm ba yire Jehôva bebéñ, alukh deba da bo ngul.
2 É MAM BIA KULU ANU YE BO ME NE NDAMANE ALUKH DÈ
« Mina ye tobe môr mboo. »—Atarga 2:24
Aval avé ô ne bo keghe bo nyu-n’nôm nge ki nyu-ngal mintèñ ?
-
Matthieu 5:28 ; Beéphésien 4:31
Mina yiane tobe sôsôe ye n’nôm nge nyu-ngal mben ôsiman wiè été. A bis é dzam a wôrane. Nge wa yen naa wa bo nye abé, dzenghe naa ô sanghlé.
-
Bia kômô ki dzughe n’nôm nge ngal wè môs ézing nge ki a ve naa a yi. Mbimbia bifiè bia wuiñ alukh.
-
Jehôva a yen naa medzian me ne nsem ônen. Bia yiane ban naa bia tobe sôsôe ye n’nôm nge ki ngal wè ye yen alukh dè ane é dzôm é ne tang nden. Bia kômô ki vaghle ve Jehôva, n’nôm wè nge ki ngal wè ôson môs ézing.
3 MI NE YEMLE ALUKH DENAN
« Nda da longbane ye nkyel. »—Minkana 24:3
Dzé mi ne bo naa mi bele alukh é ne ngul ye mevakh ?
-
Minkana 24:4 ; Matthieu 6:14, 15 ; Beromain 12:2 ; 1 Pierre 3:1
Ñong éyong naa wa luè minlang ye nyu-ngal nge ki nyu-n’nôm. Beleghane nyu-n’nôm nge ki nyu-ngal ye ényeghe, mvam ye fe évuvwéñ. Yeghe a dzigha dzame.
-
Minkana 14:1; 31:29 ; Bephilippien 1:9; 2:4 ; 1 Pierre 3:7
Silighe Jehôva naa a vole wa a bo mbemba n’nôm nge ki mbemba ngal. Dzeng ane ô ne bo mbemba fulu ye simane mbeng é môr mboo.
-
Nge wa ve é ngul dwiè ésese naa wa lere nyu-ngal nge ki nyu-n’nôm édzing ye mvam, alukh denan é ne yem ye ve Jehôva mevakh a n’nem.
