15. Tobeghe ye mevakh y’ésèñ wa bo
1 JEHÔVA A NGA VELE BOAN BE BÔR YA NKÔMAN NAA BA YIANE SÈÑ
« Môr ase a yiane dzi ye nyu ye yen mvèñ akal nzukh ésèñ dèñ. A ne é das Nzame. »—Ecclésiaste 3:13
Akal dzé ésèñ é ne é das da so ébe Nzame ?
-
Atarga 1:1, 31 ; Ecclésiaste 2:24 ; Jean 5:17
Jehôva a sèñ ngul. A nyeghe ésèñ dzèñ, éde a kômô naa bia fe bi nyeghe ésèñ dzè.
-
Minkana 8:22-31 ; Becolossien 1:15-17
Yésu nya nga bo fe abuiñ ésèñ a yôp été ye fe a si.
-
Marc 6:3 ; Luc 21:37, 38 ; Jean 4:31-38 ; 17:4
Yésu a nga bo édeda mbemba ésèñ ye mane é dzam a nga yiane bo mben éyong déé mbe ki ébubu.
2 BI NE TSEN AVAL BIA YEN ÉSÈÑ DZÈ
« Ye ô yen-hang é môr a ne akeng ésèñ dzèñ ? Asu bedjiè éde a ye tebe. »—Minkana 22:29
Dzé da ye bia vole naa bi nyeghe ésèñ dzè ?
-
Minkana 12:24 ; Becolossien 3:22-24 ; Behébreu 13:18
Amben bi se ki sanghle ésèñ dè, bi ne tsen aval bia yen ésèñ dzè.
-
Minkana 27:11 ; 1 Timothée 5:8 ; 1 Pierre 2:12
Éyong wa kale é nda bôr dwiè nfakh ye mam me ya nsôn, wa bo Nzame mewokh. Mbemba abo dulu dwiè ésèñ da ve Jehôva duma.
-
Akôre 20:13-15 ; Minkana 2:6 ; Beromain 14:19-22 ; Beéphésien 5:28–6:4 ; 1 Jean 5:3 ; Melere 18:4
Kalare Nzame a vole bia naa bi wokh aval avé ésèñ ézing é ne bia name, é nda bôr dzè, bobedzang ye bekal bè, a dang dang Jehôva.
3 A TELE É MAM MA DANG ÉBAN ÔSU É NE BIA VOLE A NYEGHE ÉSÈÑ DZÈ
« Mina yiane yem é mam ma dang mina éban. »—Bephilippien 1:10
Dzé da dang édeda éban ébe wa ?
-
Bya 37:25 ; Minkana 3:5, 6 ; 1 Pierre 5:7
Beleghane mebun naa Jehôva a yem é dzam mi ne de ashèñ éning.
-
Matthieu 6:25-32 ; 1 Timothée 6:8-10 ; Behébreu 13:5
Vebeghane naa wa tobe mevakh y’abim biôm ô bele.
-
Minkana 10:22 ; Matthieu 6:33 ; 28:19, 20 ; Behébreu 10:24, 25
Mina yiane bembe ésèñ mina bo akal Jehôva ye kare bemba fuèñ. A ne ésèñ da dang éban bi ne bo.