« Yireghe Nzame bebéñ ; ve ki lumane Debele, a ye ke wô ôyap. »​—Jacques 4:7

Bi ne bo ya naa bi tebe Debele é ngam ayat ?

• Melere 7:9, 14

  Jehôva a nga ve nkane é dzam satan a ne bia bo. Nzame a nga kiakh naa môra nsama wa ye ning nféfèñ si.

• 2 Minlang 15:2

  Éyong bia tobe Jehôva bebéñ, Satan éé se ki wuiñ élare bia be Jehôva ntukh.

• 1 Becorinthien 10:13 ; Behébreu 11:4-40

  Jehôva a kiakh naa a ye bia vole a baghle mebun mè aval ane a nga vole bebo bisèñ béñ be ya melu mvus.

« Bia dzime ki mesiman mèñ. »​—2 Becorinthien 2:11

Za melam Satan a belane me ?

• Jean 15:19 ; Melere 12:12, 17

  Satan a djiè émo, ve é se ki djiè ayong bôr Jehôva, a too naa éde a kômô.

• Atarga 3:1 ; Begalate 5:19-21 ; Beéphésien 6:12

  Debele a dzeng naa a yem é mam me ne bia pôô a nsem ndamben a ne belane me.

• Lévitique 19:26 ; Esaïe 1:13, 15 ; Marc 5:25, 26

  Boghane nkyel éyong mina top aval mina ye sèèbane. Môr a ne tebe aval étèñ ézing akal naa a kômô sèèbane ngura ôkoan, a nga vane yebe naa a vekh é mam ma larane mbimbia minsisim.

• Deuteronome 18:10-12 ; Bisè mintôl 19:19 ; Begalate 6:7 ; Melere 21:8

  Nge mbimbia minsisim ba yen naa bia dzing bia yen é mam ma larane be, be ne belane de naa be dure bia. Nge bi name é mam ma larane mbimbia minsisim, bia ye ki tobe sôsôe ye Jehôva.

« Satan [. . .] a ne n’nenèè y’ésaa minèè. »​—Jean 8:44

Aval avé bi ne ke bia miè minèè Debele ?

• Beromain 1:11, 12 ; 2 Timothée 2:16

  Bôr ba luè minlang mia lere naa Satan ye mbimbia minsisim be ne édeda ngul a too naa déé se ki bebela. Bi ta’a bo aval té, bia yiane ve bia bebién ye f’é bôr bevoo ngul.

• Beéphésien 6:11

  Nge bia yem melam debele bia ye nye tebe é ngam ayat ye yire Jehôva bebéñ.