8. Jehôva a kômô naa ayong bôr dzéñ é tobe nfuban
1 JEHÔVA A NE NFUFUP YE É DZAM ÉSE A BO
« Mina yiane bo nfufup, akal me ne nfufup. »—Lévitique 11:45
A bo nfufup da yili ya ?
-
A bo nfufup, nge ki nfuban, da deghe minfakh misese mi y’éning. Da deghe nfuban ye ñuu, bitôp ye é nda dzè. Da deghe fe éwuma dè, aval bia wulu, ye mesiman mè.
-
Akôre 30:17-21 ; Jérémie 10:12
Nfuban ô ne éban asu Jehôva.
-
Bya 19:8, 9 ; Matthieu 15:18, 19 ; Bephilippien 4:8
Mesiman ma tsini naa bi bo mam, éde bia yiane bo é dzam ése bi ne bo naa bi baghle mesiman mè nfufup.
2 ÉWUMA DÈ DA YIANE BO NFUFUP
« Tobeghane nfuban, a mina é bôr mine beghe memokh Jehôva. »—Esaïe 52:11
Aval avé bi ne baghle éwuma dè nfufup ?
-
1 Becorinthien 10:21 ; Jacques 1:27
Bia saalé mimboan, abo dulu, ye mebun me lare ye bivus min’yebe.
-
Lévitique 11:44 ; Malachie 3:6
Jehôva a ne mban a kame ayong bôr dzéñ éyong a ve be metsing, ye metsin metsing.
3 MBIMBIA MEFULU MA NDAMANE MBEMBA ÉLAR BI BELE YE JEHÔVA
« Bi vèèghane é mvîn ése da birane bia nsôn ye nsisim. »—2 Becorinthien 7:1
Za aval mefulu Jehôva a kômô naa bi saalé ?
-
Matthieu 22:39 ; Bisè mintôl 17:25 ; Tite 3:1
A saalé é biôm bia ye ndamane é ñuu dzenan nge ki a kikh éning dzenan étun, ane siga, a bira nyu meyokh ye banga. Bia saalé mefulu meté akal bia kang éning dzè, bia kang bining é bôr bevoo, bia kang fe metsing me ye é si bi too.
-
Nge bia yen naa a dzoghe mbia fulu ézing é ne nzukh, bi ta’a sili mô ô si. Y’avole Jehôva, bi ne wune alumane té.
4 BI NE DZOGHE MBIMBIA MEFULU
« Ma ve é ñuu dzam akira, mé bo de ôloo wom. »—1 Becorinthien 9:27
Dzé é ne bia vole a dzoghe mbimbia fulu ?
-
A yeghlane naa nsisim Nzame ô vole wa a wèè mekômegha me ne abé ôfèñ.
-
A saalé bôr, befilm, ye mezik ma ve naa a lumane mbimbia mefulu é bo bia nzukh.
-
A tobe nkoghane naa ô yem lere é bôr bevoo amu dzé wa top naa wa bo ki mam m’ézing, ane amu dzé wa nyu ki siga.