« Tobeghane nfuban, a mina é bôr mine beghe memokh Jehôva. »​—Esaïe 52:11

Aval avé bi ne baghle éwuma dè nfufup ?

• 1 Becorinthien 10:21 ; Jacques 1:27

  Bia saalé mimboan, abo dulu, ye mebun me lare ye bivus min’yebe.

• Lévitique 11:44 ; Malachie 3:6

  Jehôva a ne mban a kame ayong bôr dzéñ éyong a ve be metsing, ye metsin metsing.

« Bi vèèghane é mvîn ése da birane bia nsôn ye nsisim. »​—2 Becorinthien 7:1

Za aval mefulu Jehôva a kômô naa bi saalé ?

• Matthieu 22:39 ; Bisè mintôl 17:25 ; Tite 3:1

  A saalé é biôm bia ye ndamane é ñuu dzenan nge ki a kikh éning dzenan étun, ane siga, a bira nyu meyokh ye banga. Bia saalé mefulu meté akal bia kang éning dzè, bia kang bining é bôr bevoo, bia kang fe metsing me ye é si bi too.

• Beromain 7:21-25

  Nge bia yen naa a dzoghe mbia fulu ézing é ne nzukh, bi ta’a sili mô ô si. Y’avole Jehôva, bi ne wune alumane té.

« Ma ve é ñuu dzam akira, mé bo de ôloo wom. »​—1 Becorinthien 9:27

Dzé é ne bia vole a dzoghe mbimbia fulu ?

• Matthieu 6:13

  A yeghlane naa nsisim Nzame ô vole wa a wèè mekômegha me ne abé ôfèñ.

• 1 Pierre 4:3, 4

  A saalé bôr, befilm, ye mezik ma ve naa a lumane mbimbia mefulu é bo bia nzukh.

• Beromain 12:1, 2

  A tobe nkoghane naa ô yem lere é bôr bevoo amu dzé wa top naa wa bo ki mam m’ézing, ane amu dzé wa nyu ki siga.