AYEGHLE 8
Bifônan bia ve ayeghle
Matthieu 13:34, 35
AKIGHE BES : A ve ntun wiè mbeng ye bifônan bi ne ébubu, bia ve naa ôsiman bebèè ô bembe, ye naa be sia wokh ayeghle.
AVAL Ô NE DE BO :
-
Topghe bifônan bi ne ébubu. Ane Yésu a nga bo-bo, ô ne belane boan bifônan naa ô ve bura be-mam ayili, ô ne belane boan be-mam naa ô lere ane bura be-mam ba wule. Ô ta’a dang koghle abuiñ mam ma ve naa éfônan é bo nzukh a wokh. Boghe nkyel naa éfônan wa belane de é yem wule ye ayeghle wa kômô ve, e bo naa ôsiman bebèè ô bo keghe bembe é mam ma yiane ki.
-
Baghle bebèè bwiè ôsiman. Topghe bifônan bi lare ye bisèñ nge ki mekômgha bebèè bwiè. Boghe nkyel naa bifônan bwiè bi bo keghe be ve ôsone nge ki ôlun.
-
Ô ta’a vüène ôsiman wa dang éban. Kobeghe ve é mam ma dang éban éfônan dwiè été, se ki boan be-mam. Boghe nkyel naa bebèè be bo keghe dang siman ve éfônan, ve ki vüène ayeghle da wule ye de.