« Mina yiane bo beyeghle » (Behéb. 5:12). Tame simane ! Jehôva​—N’yeghle aa dang akeng éning​—aa lüè bia naa bi yeghle é bôr bevokh é môr a ne ! Ésèñ ése bi bele naa bia yeghle é bôr bevokh é bebela a deghe Jehôva​—e bo a nda-bôr été, ékôan été, nge ki minkanghle​—é ne môra maghe ye ayem anen. Bi ne de yem bo ya ?

Éyalan ye nsili té é ne bifia ntôl Paul a nga belane bie éyong a nga tsili Timothée édzango : « Tsinighe ôsu ye ve nlem wiè nlanghan a bôr été, a ve melepgha y’a yeghle. » Paul aa koghle naa : « Éyong wa bo de, wa ye kôre wamyéñ, ye fe é bôr ba bèè wa » (1 Tim. 4:13, 16). Ô bele é fuéñ é ne kôre bining bôr. Éde, é ne édedaa éban naa ô yem lang ye yeghle. Be va kôm nso kalare wi naa ô vole wa a bo ésèñ té. Tame baghle ayôm mam ma.

Jehôva a ne « N’yeghle N’nen » (Ésa. 30:20). Nté ésese nso kalare wi wa vole wa a bang akeng dwiè nfakh ye a lang ye a yeghle, ô ta’a vüène naa Jehôva énye a ne Tsîn ye é fuéñ dzaa ye fe naa énye a dure bôr (Jean 6:44). Édeng, a bo wéé sili nye nsisim ékî wéñ. A bira belane Nkobe Nzame. Teleghe Jehôva ôsu, se ki wamyéñ. Dzenghe naa ô veme ényeghe akal Nzame minlem bebèè bwiè été.

Be va lüè wo naa ô ke yeghle é fuéñ da dang éban akal boan be-bôr. Bi bele mebun naa nté ésese wa ye yeghbe « é ngul Nzame aa ve », wa ye yem bo ésèñ té.​—1 P. 4:11.

É bobedzang be lare ye wa ésèñ té été,

Tsîn Ékôan Bengaa Jehôva