AUSTRALIA: The Sydney Morning Herald dawurbɔ krataa a ɔbae wɔ October 2, 2012 no bɔ amandzɛɛ dɛ, “Ayarfo a wɔyɛ Jehovah Adasefo a wogu asopitsi​—a wogyina nyamesom mu gyedzi do pow dɛ wɔbɛgye bɔgya​—no tse apɔw ntsɛm sen ayarfo afofor.”

Amandzɛɛbɔ no kã Ayarsa ho Ɔbemfo James Isbister a ɔwɔ Sydney Medical School, University of Sydney no ho asɛm. Dawurbɔ krataa no bɔ amandzɛɛ dɛ, “Ɔbemfo Isbister kãa dɛ, adatserfo ma Jehovah Adasefo ayarsa a otu mpon dze bɔ mbɔdzen kora hɔn [Adasefo ayarfo no] nkwa do. Iyi ntsi, sɛ wɔbɛda asopitsi a, wɔnntaa nnwu, wɔnnkyɛr wɔ asopitsi hɔ, na wonnhia eduyɛ ahorow pii tse dɛ hɔn a wɔgye bɔgya aber a wɔyɛ hɔn oprehyɛn no.”

Nnyɛ Dɔkota Isbister nkotsẽe na osusũ dɛm. Archives of Internal Medicine a ɔbae wɔ August 13-27, 2012 no kãa Jehovah Adasefo a wɔayɛ hɔn akoma ho oprehyɛn no ho asɛm dɛ: “Nna Adasefo no nntaa nnya ɔhaw pii wɔ oprehyɛn no mu, afei so nna wɔnntaa nnkyɛr wɔ asopitsi hɔ tse dɛ ayarfo a wɔgyee bɔgya no.”